Tanzania: Magufuli wa CCM ari imbere mu majwi y’uduce 3

Mu gihe amatsiko akiri menshi ku uzasimbura Perezida ucyuye igihe muri Tanzania, Komisiyo y’Igihugu y’Amatora yatangaje by’agateganyo amajwi yo mu duce dutatu (Jimbo), Umukandida John Pombe Magufuli ayoboye abandi ahanganye n’umukandida w’amashyaka atavuga rumwe na Leta yishyize hamwe Prof Edward Lowassa.

Umuyobozi wa Komisiyo y’Amatora, Umunyamategeko Damian Lubuva yavuze ko uduce twamaze kumenyekana ibyavuye mu matora, ari Makunduchi, Paje na Lulindi.

Yavuze ko mu gace ka Makunduchi abiyandikishije kuri lisiti y’itora ari 12 742, aho abatoye ari 10 682 bangana na 83,83%, ndetse ko nta majwi yangiritse (imfabusa).

Muri ako gace yavuze ko ishyaka ACT-Wazalendo ryagize amajwi 22, ADC 58, ishaka riri ku butegetsi Chama cha Mapinduzi, CCM 8 406, ishyaka rikomeye ritavuga rumwe na Leta, Chadema ryagize 1 769, NRA 23, amashayaka TLP na UPDP buri rimwe ryagize amajwi 18.

Mu gace ka Paje, abatoye ni 8 326, amajwi adafite ikibazo ni 8 047. Ishaka CCM ryagize amajwi 6 035 mu gihe Chadema ryagize 1 899.

Mu gace ka Lulindi, abatoye ni 45 844 mu bantu 59 027 bari biyandikishije gusa amajwi 1507 anagana na 3,29% yabaye imfabusa. Ishyaka CCM ryagize amajwi 31 605 mu gihe ishyaka Chadema ryagize amajwi 11 543.

Mu kiganiro n’abanyamakuru, January Makamba ukuriye ibikorwa byo kwamamaza ishyaka riri ku butegetsi CCM, yavuze ko biteguye badashidikanya intsinzi mu duce tw’amatora (Majimbo) 176 kuri 264 amatora yabereyemo.

Umuseke urakomeza gukurikirana uko amajwi atangazwa, dore ko nibura Komisito y’igihugu y’Amatora yijeje ko ku wa kane amajwi yose azaba yamenyekanye, uwatsinze amatora akazahita atangazwa.

UM– USEKE.RW