Ubukerarugendo bw’urukererezabagenzi ku muhanda Kigali-Musanze

Ange Eric Hatangimana
05/31/2015

Ishusho y’Umujyi wa Kigali umuntu ahagaze ku musozi wa Shyorongi

Aha hari urugendo rw’amasaha abiri mu modoka itahagaze umwanya munini, kuva Nyabugogo kugera mu mujyi wa Musanze. Ni agace k’ubukerarugendo ku muntu wese ukunda kureba ibyiza nyaburanga by’ibidukikije.

Ubukerarugendo bivuze, kuva ahantu ukajya ahandi mu buryo bwo gutembera ugamije kwishimisha no kumara amatsiko wari ufitiye aho hantu ndetse no kureba ibyiza by’ibidukikije.

Musanze – Kigali, ni umuhanda w’ubukerarugendo abenshi mu Banyarwanda batabyaza umusaruro, ngo bafate amafoto meza y’umujyi wa Kigali ugeze ku musozi wa Shyorongi, cyangwa bitegereze imisozi myiza Kigali n’ikibaya gitembamo umugezi wa Nyabugogo.

Kuri uwo musozi, mu modoka iyo mugize amahirwe mubona utunyamaswa tw’inkende twatahuye ubwiza bwa Shyorongi, aritwo twidagadura tureba hirya no hino ndetse tugashimisha benshi batubona twikinangura dusimbukira mu mashami y’ibi.

Wari bwanyure mu muhanda wa Kigali- Musanze, utembera cyangwa ugiye mu kazi kawe gasanzwe ukorera i Kigali cyangwa i Musanze?

Dore ibyo twabonye mu rugendo Ikigo cy’Igihugu gishinzwe iterambere (RDB) cyateguriye abanyamakuru n’abanhanzi, kugira ngo ibyiza babona babigeze ku Banyarwanda, na bo bagire amatsiko yo kwishimira ubwiza bw’igihugu cyabo.

Uri ku musozi hejuru wa Shyorongi ubona hasi mu kabande imihanda iteganye, ariko umwe ni umugezi wa Nyabugogo watanze izina ku gice kimwe cy'Umujyi wa Kigali — Uri ku musozi wa Shyorongi hejuru ubona hasi mu kabande imihanda iteganye, ariko umwe ni umugezi wa Nyabugogo watanze izina ku gice kimwe cy’Umujyi wa Kigali

Uri shyorongi abona ibice byose by'umujyi kuva Nyabugogo, mu mujyi rwagati ndetse n'ibice bya Gisozi, biryoheye ijisho — Uri Shyorongi abona ibice byose by’Umujyi kuva Nyabugogo, mu mujyi rwagati ndetse n’ibice bya Gisozi, biryoheye ijisho

Ku bw'amahirwe mu modoka twabonye inkende zirimo zirisha ibyatsi ziteye amatsiko — Mu modoka uzamuka Shyorongi hari ubwo ubona utu tunyamaswa hafi y’umuhanda

Ahazwi nko kwa Nyirangarama, ariko ubundi ni umunyemari Sina Gerard hahora urujya n'uruza rw'abagura ibintu bavuye cyangwa bagana mu bice bya Kigali, Musanze na Rubavu — Ahazwi nko kwa Nyirangarama, ariko ubundi ni umunyemari Sina Gerard hahora urujya n’uruza rw’abagura ibintu bavuye cyangwa bagana mu bice bya Kigali, Musanze na Rubavu, ni ku rukererezabagenzi muri iyi nzira igana Amajyaruguru y’u Rwanda

Kwa Nyirangarama, umwe mu bagenzi avuga ko hafasha umuntu kuruhuka akabanza akiherera byanaba ngombwa yazindutse cyane cyangwa ashonje akabanza akica isari agakomeza urugendo — Kwa Nyirangarama, umwe mu bagenzi avuga ko hafasha umuntu kuruhuka yaba anashonje akica isari agakomeza urugendo

Ku ruhande gato abantu baba bagura ibirayi byokeje mu mavuta nk'abagura amasuka — Ku ruhande gato abantu baba bagura ibirayi byokeje mu mavuta nk’abagura amasuka

Aba barasiganwa n'imodoka ngo itabasiga, ariko na none ntibagenda badahahiye kuri Nyirangarama — Aba baranga gukomeza urugendo ntacyo bafashe kwa Nyirangarama

Uyu mugore ushobora kumwibeshyaho ukamusuhuza, ugira ngo arimo aracuranura amazi mu kabindi, ni byiza kubana ishusho ye — Aha hari ishusho iteye amabengeza abantu banyuraho bakitegereza

Aha ni i Musanze kuri Hotel, umuhanzi Mani Martin arareba ko ifoto yafotowe ari nziza — Umuhanzi Mani Martin arareba amwe mu mafoto yafatiwe muri uru rugendo rwa Kigali – Musanze

Musanze ni Umujyi umaze kwaguka ndetse umaze kugira amahoteli akomeye nk'iyi yitwa FARAJA Hotel — Musanze ni Umujyi umaze kwaguka ndetse umaze kugira amahoteli akomeye nk’iyi yitwa FARAJA Hotel

Amafoto HATANGIMANA/UM– USEKE

HATANGIMANA Ange Eric
UM– USEKE.RW

5 Comments

Elisabeth says:
05/31/2015 at 19:36

nkurunziza yarakoze birashimwa!

Mujyanama says:
05/31/2015 at 21:35

Abahanzi dufite se ngo bahange iki ko ari ukwiriza mu kanwa inkundo zidashinga!!! Narashize, nzapfa ejo, reka mpfukame, kizimyamyoto, cugusa dingisa iby’ inyuma, ….. Apuuu, abahanzi bari aba kera! umuhanzi nyawe ntagombera ko Leta imutambagiza ngo imwereke ibyiza nyaburanga by’ igihugu ke (nako cye!), ahubwo niwe ugomba kubyivumburira, hanyuma Inganzo ikabona aho ihera imukirigita! Muzigisha, muzaruha!!