Digiqole ad

15 bazakina ‘Tour du Rwanda’ berekanywe banahabwa amagare bemerewe na P.Kagame

15 bazakina ‘Tour du Rwanda’ berekanywe banahabwa amagare bemerewe na P.Kagame

Abakinnyi bose hamwe bagize ikipe y’u Rwanda babanje kwibuka mugenzi wabo uherutse kugwa mu mpanuka agapfa

Musanze –  Kuri uyu wa kane abakinnyi bagize amakipe atatu y’u Rwanda bazahatana muri  “Tour Du Rwanda” bamuritswe kandi bahabwa amagare mashya bazakoresha muri iri rushanwa. Aya ni amagare kandi bemerewe na Perezida Paul Kagame.

Minisitiri Uwacu hamwe na Aimable Bayingana bageze ku kigocya Africa Rising Cycling Center kiri i Musanze aho ikipe y'u Rwanda itorezwa
Minisitiri Uwacu hamwe na Aimable Bayingana bageze ku kigocya Africa Rising Cycling Center kiri i Musanze aho ikipe y’u Rwanda itorezwa

Uyu muhango watangijwe n’umunota wo kwibuka umusore Yves Kabera Iryamukuru uherutse kwitaba Imana mu irushanwa rya Rwanda Cycling Cup mu mpanuka ari gusiganwa n’aba bagenzi be.

Mu muhango witabiriwe na Julienne Uwacu ministiri w’umuco na siporo na Aimable Bayingana uyobora ishyirahamwe ryo gusiganwa ku magare, abasore 15 bazakina Tour Du Rwanda bagabanyije mu makipe atatu; Akagera, Muhabura na Kalisimbi.

Nyuma yo gutangazwa hakurikiyeho kubaha amagare 18 akoreshwa mu isiganwa (Road Race bikes), rimwe rifite agaciro k’ibihumbi 14 by’amadolari, ndetse n’atatu akoreshwa mu gusiganwa n’igihe (team time trial) rimwe rifite agaciro k’ibihumbi 20 by’amadolari.

Aya magare ngo amagare ari ku rwego rwo hejuru kuko amwe muri yo ari nk’iryakinishijwe na Chris Froome uherutse kwegukana Tour de France ebyiri nawe akoresha.

Minisitiri Julienne Uwacu nyuma yo gutanga ku mugaragaro aya magare yabwiye aba bakinnyi ko kuba ubu bafite amagare yo ku rwego rwiza bagomba kubigaragariza mu musaruro mu irushanwa mpuzamahanga rizatangira mu mpera z’icyumweru gitaha.

Ku magare aba bakinnyi b’u Rwanda bazakoresha muri Tour du Rwanda ngo hazaba hariho ubutumwa buvuga ngo “Yves Tuzahora tukwibuka”.

Tour du Rwanda izatangira tariki 15 Ugushyingo 215.

Abakinnyi bose hamwe bagize ikipe y'u Rwanda babanje kwibuka mugenzi wabo uherutse kugwa mu mpanuka agapfa
Abakinnyi bose hamwe bagize ikipe y’u Rwanda babanje kwibuka mugenzi wabo uherutse kugwa mu mpanuka agapfa

 

Abasore bazahagararira u Rwanda muri Tour Du Rwanda ni:

Team Rwanda Kalisimbi

  1. Nsengimana Jean Bosco
  2. Uwizeyimana Bonaventure
  3. Byukusenge Patrick
  4. Hadi Janvier (kapiteni)
  5. Valens Ndayisenga

Umutoza: Sterling Magnell
Umukanishi: Jamie Bussel

Aba ni abagize Team Kalisimbi barimo na Valens Ndayisenga (ubanza iburyo) wegukanye Tour du Rwanda iheruka
Aba ni abagize Team Kalisimbi barimo na Valens Ndayisenga (ubanza iburyo) wegukanye Tour du Rwanda iheruka

Team Rwanda Akagera

  1. Biziyaremye Joseph
  2. Karegeya Jeremy
  3. Uwizeye Jean Claude
  4. Aleluya Joseph
  5. Ruhumuriza Abraham (kapiteni)

Umutoza: Sempoma Felix
Umukanishi: Rafiki Uwimana

Aba ni abagize Team Akagera bayobowe na mukuru wabo Abraham Ruhumuriza watwaye Tour du Rwanda eshanu kuva mu 2002
Aba ni abagize Team Akagera bayobowe na mukuru wabo Abraham Ruhumuriza (ufashe igare) watwaye Tour du Rwanda eshanu kuva mu 2002

Team Rwanda Muhabura

  1. Hakuzimana Camera
  2. Gasore Hategeka
  3. Bintunimana Emile
  4. Tuyishimire Ephrem
  5. Byukusenge Nathan (kapiteni)

Umutoza: Simon Hupperetz
Umukanishi: Ntibitura Issa

Iyi ni Team Muhabura iyobowe na Kapiteni wabo Nathan Byukusenge (uri imbere)
Iyi ni Team Muhabura iyobowe na Kapiteni wabo Nathan Byukusenge (uri imbere)
Amagare bahawe ari ku rwego mpuzamahanga ndetse akinishwa n'abakinnyi bakomeye ku isi. Ni ayo bemerewe na Perezida Kagame
Amagare bahawe ari ku rwego mpuzamahanga ndetse akinishwa n’abakinnyi bakomeye ku isi. Ni ayo bemerewe na Perezida Kagame
Aimable Bayingana uyobora FERWACY yasabye aba basore kwitwara neza muri irushanwa mpuzamahanga rigiye kubera mu Rwanda
Aimable Bayingana uyobora FERWACY yasabye aba basore kwitwara neza muri irushanwa mpuzamahanga rigiye kubera mu Rwanda
Umutoza Sterling Magnell wa Team Kalisimbi ni umunyamerika wagacishijeho mu gusiganwa ku magare
Umutoza Sterling Magnell wa Team Kalisimbi ni umunyamerika wagacishijeho mu gusiganwa ku magare
Minisitiri Uwacu yabasabye kwitwara neza kuko bafite ibikoresho byiza
Minisitiri Uwacu yabasabye kwitwara neza kuko bafite ibikoresho byiza
Ifoto rusange y'abakinnyi n'abayobozi bitabiriye uyu muhango
Ifoto rusange y’abakinnyi n’abayobozi bitabiriye uyu muhango

UM– USEKE.RW

Tags:

3 Comments

  • h says:
    11/06/2015 at 00:05

    the only team that is allowed and worthy to be called “Team Rwanda” turabemera sha muduhesha ishema, uve ku yandi ma teams dufite

  • Imbwa says:
    11/06/2015 at 10:39

    ABA BASORE BABITEHO,,,,,, BABAHATE IMISOSI MYINSHI,,, ABATIRA BABASHAKIRE AMASHULI,, BABAHE AMAZU YO KUBAMO
    TEAM RWANDA IS TEAM RWANDA
    UREKE YAMAVUBI ATUBESHYA HAMWE NA FERWAFA YAYO

  • Umuhire janvier says:
    11/06/2015 at 16:38

    Ese ko mutatubwiye igihe rizatangirira.Kigali-Huye rizahanyura ryari?

Comments are closed.

© Since 2011, Umuseke. All rights reserved

en_USEnglish
en_USEnglish