Uwahoze ari umuzamu wa Rayon yabonye akazi ko gutoza aba APR

Alexis Mugabo ubu niwe mutoza mushya w’abazamu wa APR FC aje gusimbura Ibrahim Mugisha wari uhamaze igihe kinini ubu wagiye mu ikipe y’igihugu Amavubi.

Alexis Mugabo umwaka ushize yatozaga Isonga FC umwaka ushize, yafashe uyu mwanya mu gihe benshi bibazaga ko ushobora kuba ugiye guhabwa Jean Claude Ndoli wari umaze iminsi ameze nk’ubyimenyereza ariko kandi anakina.

Mugabo wahoze akinira ikipe ya Rayon Sports yabwiye Umuseke ko yishimiye uyu mwanya mushya yahawe kandi ko azakora byose kugira ngo abazamu ba APR FC bakore akazi kabo mu buryo bukwiye.

Ati “Nizeye ko abo nasanze bazamfasha, baaba ari aba staff ndetse n’abakinnyi. Abakinnyi nje gutoza baramenyereye kandi tuzakora byose duheshe intsinzi ikipe yacu.”

Mugabo aje gufasha Rubona ubu wagizwe umutoza mukuru mu mwaka ushize we akaba yaratozaga ‘Academy’ ya APR FC nyuma y’amasomo y’ibyo gutoza yari arangije mu mahanga.

UM– USEKE.RW