Umutoza mushya w’Amavubi yatangaje 18 azajyana muri Zambia

CHIEF EDITOR
03/26/2015

Imyitozo yo kumugoroba wo kuri uyu wa 26 y’Amavubi mbere y’uko atoranywamo 18

26 Werurwe 2015- umutoza mushya w’ikipe y’igihugu Amavubi Jonny McKinstry amaze gutangaza urutonde rw’abakinnyi 18 azajyana gukina n’igihugu cya Zambiya mu mukino wa gicuti.

Ni umukino uteganijwe kuba kuri iki cyumweru tariki ya 29 Werurwe i Lusaka kuri Heroes National Stadium.

Uyu mukino wa gicuti uri mu rwego rwo gufasha amakipe y’ibihugu byombi kwitegura irushanwa ry’igikombe cy’Afrika cy’abakinnyi bakina imbere mu bihugu byabo CHAN kizabera mu Rwanda mu ntangiriro za 2016.

Iyi niyo kipe ya mbere uyu mutoza agiye gutoza kuva yagera mu Rwanda mu ntangiriro z’iki cyumweru. Akaba yari yasanze hahamagawe abakinnyi 26 bari bamaze iminsi ine bitozanya.

Ikipe y’igihugu izahaguruka i Kigali kuri uyu wa gatanu i saa 18h30’ bikaba biteganijwe ko izagera muri Zambiya ku isaha y’i saa 21h45’.

Abakinnyi 18 bazajyana n’umutoza Jonny:

Abazamu:

Olivier Kwizera, Eric Ndayishimiye

Myugariro:

Ismail Nshutiyamagara, Emery Bayisenge, Michel Rusheshangoga, Mutijima Janvier, Fitina Ombolenga, James Tubane

Abo hagati:
Jean Baptista Mugiraneza, Rachid Kalisa, Patrick Sibomana, Jean Claude Iranzi,Djihad Bizimana, Yannick Mukunzi, Haruna Niyonzima

Ba rutahizamu:
Songa Isaie, Bertrand Iradukunda, Justin Mico.

Bari bakiri 26 bataravanwamo bamwe muri bo

Jonny McKinstry (iburyo) agira ibyo abwira abakinnyi be

Mvuyekure, Bakame, Bayisenge na Iranzi mu myitozo

Uyu musore w'imyaka 29 utoza abandi nawe arawuconga — Uyu musore w’imyaka 29 utoza abandi nawe arawuconga

Abakinnyi basigaye mu bari bahamagawe mbere ni;
Muhire Kevin(Isonga) Sugira Ernest (AS Kigali),Ndahinduka Michel (APR FC), Robert Ndatimana (Rayon Sport), Andrew Butera(APR FC), Isaac Muganza (Rayon sport), Emmery Mvuyekure (Police FC) na Imanishimwe Emmanuel(Rayon sport).

Photos/Samuel Ngendahimana

Jean Paul NKURUNZIZA
UM– USEKE.RW

8 Comments

mbivuga says:
03/27/2015 at 05:05

kondeba yasize abarayon gusa ra
- moi says:
  03/27/2015 at 07:48
  
  ako mister aba rayon basize si 3???apr se bo si 2? urabona hatarimo isonga,as kigali na police??? iyi niyo mpamvu ituma aba rayon badatera imbere bishyizemo ko akabaye kose kaba gasobanuye ko babanga
  - emmy says:
    03/27/2015 at 12:29
    
    wangu nawe umbwire da nonese rayon hasigaye 3 apr nayo hasigaye 2 nawe unyumvire ngo hasigaye rayon gusa niyompamvu gutera imbere kwanyu kuzabagora kuko ibintu byose mubibona muri cote negative

NPH says:
03/27/2015 at 07:32

Nanjye niko mbibona bana, ariko dushyire mukuri ntago byashoboka ko bagenda bose, buriya bazagenda ibutaha.

Mugisha says:
03/27/2015 at 07:58

Emery Mvuyekure na Ndatimana Robert yarenganye. Uyu mutoza kubera ko ari mushya ntabwo twakwemeza ko iyi kipe ari iye ahubwo bamuteruriye APR isanzwe bongeramo bandi bake.

soso says:
03/27/2015 at 08:01

Haruna Niyonzima yaba yaragarutse gukina imbere mu gihugu ko mbona nawe bamutoranije. Cyangwa CHAN ni abakina ku mugabane w’Africa. Mudusobanurire