Tanzania: Abantu bitwaje intwaro bishe Abapolisi 8
Abantu bitwaje intwaro baraye bahitanye abapolisi umunani muri Tanzania
Mu ijoro rya ryakeye rishyira kuri uyu wa Gatandatu, mu gace ko mu burasirazuba bw’igihugu cya Tanzania, abantu bitwaje intwaro baraye bagabye ku abapolisi bicamo abapolisi umunani.
Ibiro by’Umukuru w’igihugu byasohoye itangazo ryihanganisha imiryango y’aba bapolisi. Muri iri tangazo Perezida Magufuli yavuze ko yatunguwe kandi akababazwa n’iki gikorwa cyaraye kibaye mu ijoro ryo kuri uyu wa Gatanu.
Umukuru w’igipolisi muri Tanzania, Nsato Mssanzya yavuze ko aba bagizi ba nabi ari amabandi ashaka guhungabanya umutekano w’igihugu.
Yavuze ko abantu bane bakekwaho uruhare muri iki gitero batawe muri yombi. Ati “ Ibi turabirambiwe twamaze gushyiraho umukwabu wo kubafata.”
Aba bapolisi baraye bishwe bari mu bagize abandi boherejwe gucunga umutekano mu murwa mukuru wa Tanzania, I Dar Es Salaam.
Ubuyobozi bwo muri aka gace kaguyemo aba bapolisi bavuga ko abandi bayobozi umunani bo mu ishyaka rya Chama cha Mapinduzi (CCM) bamaze kwicirwa muri utu dute twa Kibiti na Rufiji kuva mu Ukwakira umwaka ushize.
UM– USEKE.RW
English