Rwatubyaye yagarutse yihishe, ubu yakoze imyitozo muri Rayon…AMAFOTO

CHIEF EDITOR
02/13/2017

Abdul Rwatubyaye wari myugariro wa APR wasinyiye ikipe ya Rayon Sports agahita aburirwa irengero yagarutse yihishe mu cyumweru gishize, kuri uyu mugoroba yakoze imyitozo muri Rayon Sports kuri stade i Nyamirambo. Uyu musore yavugishije byinshi abakunzi b’umupira mu Rwanda ubwo yari yabuze akimara gusinyira Rayon.

Rwatubyaye aje mu myitozo kuri stade i Nyamirambo

Bitunguranye cyane, Rwatubyaye yasinyiye Rayon Sports tariki 27 z’ukwezi kwa karindwi 2016, mu gihe yari atarayikinira umukino n’umwe yarabuze, bivugwa ko yagiye kugeragezwa mu makipe y’iburayi. Kuva icyo gihe kugeza uyu munsi nibwo yongeye kugaragara yitoza mu ikipe yasinyiye mu mezi atandatu ashize.

Imyotozo yo kuri uyu mugoroba ntiyari isanzwe, yatangiye saa kumi. Yari yitabiriwe n’abafana bagera nko ku bihumbi bibiri kandi kwinjira buri umwe yishyuye 500Frw.

Abdul Rwatubyaye yagaragaye yishimana na Yves Rwigema bazamukanye muri Academy ya APR FC ubu bakaba bari kumwe mu ikipe mukeba w’iyabareze.

Rwatubyaye uyu munsi yatangaje ko yagiye rwihishwa iburayi kugeragezwa mu makipe yaho kuko yari afite ubwoba ko Rayon Sports yari amaze gusinyira yamubuza kujya kugerageza amahirwe.

Gukina mu mahanga byaranze, igihe cyo kugaruka akigira ibanga agaruka mu mpera z’icyumweru gishize.

Amakuru Umuseke wahawe n’abo ku kibuga cy’indege ni uko uyu mukinnyi yahageze adashaka kugaragara mu maso kuko hari hashize iminsi itangazamakuru ritegereje igihe agarukira.

Kuri iyi myitozo kandi hagaragaye umukinnyi mushya Tidiane Koné, rutahizamu wavuye muri Mali wageze mu Rwanda mu gitondo cyo kuri uyu wa mbere.

Abafana bari bamanutse begereye ikibuga ngo barebe imyotozo neza, aha ni mbere y'uko imyitozo itangira — Abafana bari bamanutse begereye ikibuga ngo barebe imyotozo neza, aha ni mbere y’uko imyitozo itangira

Ari kwambara na bagenzi be ngo batangire kwitoza

Tidiane Kone (ibumoso) rutahizamu mushya bavanye muri Mali wageze i Kigali uyu munsi nawe yari yaje kwitoza, aha ari kumwe na mugenzi we wo muri Mali Mussa Camara

Rwatubyaye yasaga n'uwishimiye kugaruka — Rwatubyaye yasaga n’uwishimiye kugaruka

Ubu ni umusore wa Tatooage nyinshi — Ubu ni umusore wa Tatouage nyinshi

Yari yishimiye kugaruka muri Rayon, ikipe yatangaje ko akunda nubwo yarerewe muri academy ya APR FC

Umutoza Masudi Juma aramutsa Tidiane Kone umukinnyi mushya muri Rayon

Mu myitozo Rwatubyaye arishimisha na mugenzi we Rwigema

Rwatubyaye na Yves Rwigema mugenzi we bakuranye muri academy ya APR FC ubu bakinira mukeba Rayon

Photos © R.Ngabo/Umuseke

Roben NGABO
UM– USEKE.RW

10 Comments

cyusa says:
02/13/2017 at 17:15

Rwatubyaye se yari yaragiye kwisiga ariya marangi mubonana????

musa says:
02/13/2017 at 17:25

naze areke ubucucu,ategure ejohazaza he,naze asangire n’abandi ba rayon ibyishimo nkibyo naraye mbonye iremera bava ikanombe, byatumye mbona ko kuva mumupira wamaguru hano muRwanda udakinnye muri rayon ari igihombo gikomeye.

Pierre says:
02/13/2017 at 17:30

Yari yaragiye kwicapisha kumubiri yokanyagwa hihihihi

jo says:
02/13/2017 at 18:29

Munezero fiston ubu ari gukoroga umuti uyu araba yavunitse vuba
- eric says:
  02/13/2017 at 22:35
  
  ugiye murukiko wakemeza ko aroga ntukabe idiot ngo unabivuge mubantu

hirwa says:
02/13/2017 at 19:39

Aba barozi nka bâ KO turabiyamye kuri izi mbuga.Muhora mushaka guserereza ikipe ariko hari igihe muzananizwa n’ukuri n’imbaraga z’zbafana.

eto says:
02/13/2017 at 19:44

ntibazaturogere umwana twareze babarozi baturuka i burundi ubuyobozi bya rayon bubihanize cyane nkuwitwa munezero fiston nahubundi mubonye defender urenze abo mufite

john says:
02/13/2017 at 22:53

Uritonde mwa isi ntiyoroshye itazakumaramo uburyohe!!!!!!!!!!!!!!!!!!!!

Phil says:
02/14/2017 at 10:03

ko numva mufana nabi bahu!

MATESO JEAN says:
02/14/2017 at 10:20

YOU MAN, WHERE WERE U? WELL COME BACK IN YOUR COUNTRY… BE FINE WITH YOUR LOVELY GIRL ON this fourteenth day of february 2017. very nice.

Comments are closed.

Share this:

10 Comments