Rwamagana: Miss Rwanda yifatanyije na Unity Family kwibuka abana bishwe mu 1994

Joel Rutaganda
04/22/2014

i Rwamagana, Akiwacu Colombe Nyampinga w’ u Rwanda 2014, kuri uyu wa 21 Mata yifatanyije n’abana bagera kuri 43 barokotse Jenoside yakorewe Abatutsi mu 1994 bari mu muryango bise ‘Unity Family’ mu kwibuka abana bishwe mu 1994.

Imvura ntari yroshye ariko yanze kujya kugama — Mu mvura, Miss Rwanda hamwe n’abandi mu gikorwa cyo kwibuka

Ku nshuro ya 20 u Rwanda rwibuka Jenoside yakorewe Abatutsi mu 1994, nyuma y’icyumweru cyo kwibuka ku rwego rw’igihugu, ibikorwa byo kwibuka biracyakomeza mu gihe cy’iminsi 100.

Nyampinga w’u Rwanda Akiwacu Colombe yifatanyije n’abana bo mu Murenge wa Kigabiro, Akarere ka Rwamagana mu Ntara y’i Burasirazuba mu gikorwa cyo kwibuka abana bishwe muri Jenoside yakorewe Abatutsi mu 1994.

Mu ijambo Akiwacu Colombe yagejeje ku rubyiruko rwari aho, yavuze ko amateka mabi yaranze u Rwanda mu bihe byashize adakwiye kuzongera kubaho ukundi, bityo u Rwanda rurusheho gutera imbere mu bikorwa byose byatuma abanyarwanda babaho neza.

Miss Akiwacu Colombe yakomeje avuga ko afatanyije n’urubyiruko rwo mu Karere ka Rwamagana, yifuza kuba bakubakira umuryango umwe inzu yo kubamo, icyo gikorwa bikaba biteganyijwe ko kizaba ku itariki ya 24 Gicurasi 2014.

Nehemie Uwimana umuyobozi w’Akarere ka Rwamagana (Mayor), mu butumwa yatanze ku bantu bari aho, yavuze ko Leta y’u Rwanda idashyigikiye umuntu wese wakwifuza ko u Rwanda rwasubira mu bihe rwanyuzemo.

Yavuze ko abanyarwanda bose muri rusange bakwiye kurinda umutekano w’igihugu bahashya uwo ariwe wse waba yifuza kugeteza umutekano muke mu gihugu. Bazirikana cyane ibihe bibi u Rwanda rwanyuzemo, bibukaga uyu munsi, ko bitazasubira ukundi.

Umuyobozi ww'Akarere ka Rwamagana bwana Uwimana Nehimiya — Nehemie Uwimana umuyobozi w’Akarere ka Rwamagana

Igikorwa cyo kwibuka cyatangijwe n'urugendo rwazengurutse Umujyi wa Rwamagana — Igikorwa cyo kwibuka cyatangijwe n’urugendo rwazengurutse Umujyi wa Rwamagana

Imvura nyinshi yabanje kubangamira igikorwa

Hano Colombe yambutsaga abana umuhanda — Miss Colombe aha yambukanaga umuhanda n’aba bana bari baje muri icyo gikorwa

Muhongayire Yvonne (i bumoso) Vice Mayor Affair Social mu Karere ka Rwamagana — Muhongayire Yvonne (i bumoso) umuyobozi wungirije w’Akarere ka Rwamagana ushinzwe imibereho myiza

Uru nirwo rwibutso rushyinguyemo imibiri y'Abatutsi bazize Jenoside — Uru nirwo rwibutso rushyinguyemo imibiri y’Abatutsi bazize Jenoside, barimo n’abana bibukaga none

Abayoboke b'idini ya islam nabo baje muri urwo rugendo — Abayoboke b’idini ya islam nabo baje muri urwo rugendo

Colombe yiforanya n'abana — Miss Rwanda yahaye umwanya abana wo kwifotozanya nawe

Umutekano mu muhanda wari wose — Police yacungiye umutekano abari mu rugedno

Uyu ni umunyabanga mpuza bikorwa w'Umurenge wa Kogabiro — Uyu ni umunyabangasnhingwabikorwa w’Umurenge wa Kigabiro

Aha bakurikiranaga ikiganiro bagezwagaho na Nyampinga Akiwacu Colombe ndetse na Mayor wa Rwamagana — Nyuma y’urugendo bakurikiranye ikiganiro bagezwagaho na Miss Rwanda Akiwacu Colombe ndetse n’umuyobozi w’Akarere ka Rwamagana

Hano Colombe yavaga mu biro by'Intara y'i Burasirazuba — Miss Rwanda avuye mu biro by’Intara y’Iburasirazuba

Aba bana baririmbaga indirimbo y'urumuri rw'ikizere — Aba bana baririmbaga indirimbo y’urumuri rw’ikizere

Mayor w'Akarere ka Rwamagana, Colombe na Josue uhagarariye Unity Family — Umuyobozi w’Akarere ka Rwamagana, Miss Rwanda na Josue uhagarariye Unity Family

Aha Colombe yagezaga ijambo ku mbaga yari aho — Miss Rwanda yagezaga ijambo ku ku bari aho

Umuyobozi w'idini ya Islam nawe yari muri icyo gikorwa — Umuyobozi w’idini ya Islam aho, muri uyu muhango yari ahari

Aba ni bamwe mu bana bari muri Unity Family bagezaho umuvugo abantu bari aho — Bamwe mu bana bari muri Unity Family bagezaho umuvugo bari bateguye

Photos/J Rutaganda

Joel Rutaganda
ububiko.umusekehost.com

Share this: