Rayon Sports itsinze Kiyovu 3-2 mu mukino utari woroshye

Jean Pierre Nizeyimana
03/22/2015

Nyuma y’igitego cya gatatu ibyishimbo byabaye byinshi umukino urangira uko

22 Werurwe 2015 – Kuri iki cyumweru i Remera kuri Stade Amahoro Rayon Sports yahuye na Kiyovu Sports umukino urangira Rayon itsinze Kiyovu ibitego bitatu kuri bibiri, amakipe yombi yasatiranye ku buryo iyo Kiyovu itsinda mu gice cya mbere byari bugore Rayon kwishyura kuko yahushije cyane.

Nubwo imvura yari nyishi ariko ntabyabujije Fuad gutsinda icya gatatu

Ni umupira watangiye ushyushye hagati y’amakipe yombi, wabonaga Kiyovu ikina igerageza kwihagararaho kuko Rayon itari iyoroheye.

Igice cya mbere cyarangiye Rayon ifite igitego kimwe cyatsinzwe na Ndayisenga Fuad, Kapiteni, ku munota wa 44 w’igice cya mbere.

Bakimara kujya mu kiruhuko, imvura yakubye ikirere gisa nabi cyane.

Mu gice cya kabiri, abakinnyi bakiniraga mu kubuga cyuzuyemo amazi kubera imvura nyinshi ariko ntibacitse intege.

Habayeho gusatirana, Kiyovu igasatira ndetse na Rayon bikaba uko ariko ntihagire unyeganyeza urucundura rw’undi.

Mu minota nka 30 y’igice cya kabiri Romami Frank wa Rayon yatsinze igitego cya kabiri hanyuma abafana ba Rayon batangire kubyina Murera! (indirimbo bakunda gutera iyo batsinze)

Ntibyatinze kuko Pappy Kambale wa Kiyovu yishyuye igitego cya mbere hanyuma yongezamo icya kabiri ari nabyo yatahanye, umukino usa n’usubiye ibubisi kuri aya makipe y’ibigugu mu Rwanda.

Hasigaye iminota nk’itandatu ngo umukino urangire, Ndayisenga Fouad yatsinze igitego cya gatatu hanyuma intsinzi itaha kuri Rayon.

Umuseke wabajije umwe mu bakinnyi ba Rayon uko biteguye Zamalek bazahura kuwa Gatandatu utaha, avuga ko morale bayihabwe n’intsinzi kuri Kiyovu.

Mugenzi we yagize ati: ” Tuzabakinisha umupira wo hasi, twasanze wabagora kandi ubwo dutsinze Kiyovu ni amahire kuko iyo tutayitsinda byari kuba za nduru (bya bibazo).”

Rayon Sports izakina na Zamalek ku wa gatandatu utaha naho APR FC ikine na Al Ahly ku Cyumweru.

Mu yindi mikino; APR FC kuri Stade Mumena yanganyije na Mukura 1-1.

Stade nta bantu benshi bari barimo — Ukurikije izina ry’uyu mukino ntabwo witabiriwe na busa

Rwarutabura ati: Imana dusenga irakomeye — Rwarutabura ufana Rayon ati: Imana dusenga irakomeye

Ba rutahizamu ba Rayon imbere y'urubuga rw'amahina rwa Kiyovu — Ba rutahizamu ba Rayon imbere y’urubuga rw’amahina rwa Kiyovu

Abakinnyi ba Kiyovu nabo bagerageje gutera mu izamu kenshi biranga

Abafana ba Kiyovu bitegereza uko abakinnyi b'Ikipe yabo bakina — Abafana ba Kiyovu aho bakunda kwiyicarira muri 15 bareba umupira

Ariko Rayon yagaragaje ko ifite ishyaka ryinshi kuko yakubiswe na Gicumbi FC — Rayon yagerageje kwiharira umupira hagati mu kibuga

Ba myugariro ba Rayon bari babaye ibamba

Bategereje niba hari icyo ikipe yabo yakwinjiza — Abayovu ubwo barushwaga na Rayon

Nyuma y'uko Fuad yinjije igitego cya mbere cya penaliti — Nyuma y’uko Fuad yinjije igitego cya mbere cya penaliti

Bose bahise bahagurukira icyarimwe bati: "Yeee yewe Murera weee!" — Bose bahise bahagurukira icyarimwe bati: “Yeee yewe Murera weee!”

Imvura imaze gukuba igiye kugwa mbere gato y'uko igice cya kabiri gitangira — Mbere y’uko igice cya kabiri gitangira ikirere cyhindurije

Igice cya kabiri cyose cyarimo imvura nyinshi — Hamanuka imvura y’umurindi igwa igice cya kabiri hafi cyose abakinnyi na Police nibo bayihangaaye

Ba myugariro ba Kiyovu bagerageje kuzibira izamu uko bashoboye kose

Umusifuzi wo hagati yari afite akazi kenshi

Agiye kurengura — Bakiniye ku kirere kibi cyane

Hagati aho Rwarutabura yarimo ashyushya urugamba — Abafana ba Rayon aho bicara bita mu Ruhango bagumye kuri morale

Umuzamu wa Rayon Bikorimana Gerald yawusamye kare cyane — Umuzamu wa Rayon Bikorimana Gerard nawe yagiye abona akazi

Intebe abasimbura bicaramo yaguye hasi kubera umuyaga uvanze n'imvura — Intebe abasimbura bicaramo yaguye hasi kubera umuyaga uvanze n’imvura, abasimbura barahunga

Abafana ba Kiyovu batangiye kwitangira itama — Abafana ba Kiyovu mu kumiro

Nyuma y'igitego cya gatatu ibyishimbo byabaye byinshi umukino urangira uko — Nyuma y’igitego cya gatatu ibyishimbo byabaye byinshi umukino urangira uko

Bayita 'Gikundiro' — Bishimiye ko batahanye intsinzi

NIZEYIMANA Jean Pierre
UM– USEKE.RW

9 Comments

kalimba says:
03/22/2015 at 16:53

Mukosore , ngo yanganyije 1-0?

Muhoza says:
03/22/2015 at 17:53

umurongo wa kabiri w’iyi nkuru urimo ikosa kuko ntujyanye na title yayo.

Samuel says:
03/22/2015 at 18:40

Mwisubireho rwose.mwahuzaguritse mu myandikire no mu mivugire!!!!

Ngabo Be says:
03/23/2015 at 02:20

Umuseke ndabashima, amafoto ubwayo aba yakoze inkuru, mukomereza aho.

haa says:
03/23/2015 at 06:05

Kiyovu forever ntimucike intege rwose

Mukara wa Gaju says:
03/23/2015 at 06:14

Mbega Ruhago Ibishye..Stade Irimo Abantu Wabara…..
Nzasubira Kuri Stade Ari Uko Haje Umuhanzi

Clarisse says:
03/23/2015 at 08:22

Mu mukino ubanza Kiyovu na Rayon zanganyije 2-2, hanyuma Radju avuga ko Rayon yajyaga ibatsinda bitewe ngo nuko hari abakinnyi yagendaga iha ruswa, nonese Radju we…reka nkwibarize nubu ni ruswa babahaye ra????? Ntukiyahuze amagambo wa gikuri we!!!!!!!!!!
- shaban says:
  03/23/2015 at 11:28
  
  Ariko Nkawe Clarisse, ubwo urumva haricyo urushije Radju. ugaragaje ko nawe nta displine ugira.. gutsinda no gutsindwa birashoboka , kandi nawe urabizi ko ruswa kubakinnyi ibaho, Gusa Rayon yadutsinze kubera yo yashyizemo umuhate iranaturusha,, nukorera witukana ahubwo ishimire insinzi yawe unategure izikurikira kuko uramutse utsinze kiyovu izindi zikagutsinda waba ugaragaye…. nizereko ubu mugiye gutsinda kenshi. bonne chance kandi

NARUMIWE says:
03/23/2015 at 12:53

Nose Clarisse na mwe bafana ba Rayon reka mbibarize ko mwe babavugaho akantu gato mugatukana ubwo nkabo mwirirwa muharabika barimo Degaule,FERWAFA,APR FC na MINISPOC bo mwaba mwumva akababaro mubatera ko kubahimbira ibinyoma?ese tuvuge ko namwe noneho FERWAFA yababereye kubera ko mwatsinze Kiyovu sport?bigaragare ko ruswa mwashinjaga APR na Degaule arimwe musigaye muyitanga kuko mwe musigaye mwitwara neza naho APR ikaba isigaye yitwara neza,mujye mutegura neza muzajya mutsinda kandi nimutegura nabi mujye mutsindwa naho ibyo kwitwaza abandi mujye mubishyira hasi kandi mujye mugabanya amarangamutima mabi ahubwo mwiyubakemo icyizere gishingiye kugukosora amakosa.

Comments are closed.

Share this:

9 Comments