Nyuma yo kunganya na Kiyovu ubu AS Kigali niyo iyoboye izindi
Rodriguez Murengezi wa AS Kigali atera ‘tacle’ mbi ku musore wa Kiyovu
AS Kigali y’umutoza Eric Nshimiyimana kuri iki cyumweru yanganyije na Kiyovu Sports mu mukino utabonetsemo igitego. Amakipe yombi yahuriye ku kibuga yitorezaho kuri Stade de l’Amitie ku Mumena wa Nyamirambo. Kiyovu yakinaga idafite abatoza bayo kuko umutoza mukuru Seninga Innocent yagiye gukomeza amasomo yo gutoza iburayi, mu gihe na Kanamugire Aloys umwungirije nawe arwaye bikomeye, byatumye uyu mukino utozwa n’umutoza wa gatatu Hamis Bagumaho wigeze kuyibera rutahizamu.
Amakipe yombi yasatiranye binyuze kuri ba rutahizamu bayo nka Lomami Andre na Muhindo Jean Pierre ku ruhande rwa Kiyovu na Sugira Ernest ku ruhande rwa AS Kigali.
Nubwo wari umukino unogeye ijisho ariko nta byishimo watanze ku mpande zombi kuko warangiye nta urebye mu izamu rya mugenzi we.
Eric Nshimiyimana yatangaje ko atishimiye uko abakinnyi be bitwaye.
Ati “Kiyovu yaturushaga inyota yo gushaka igitego. Nashyizemo abakinnyi batatu hagati (Kabura Mouhamed, Nsabimana Eric na Murengezi Lodrigue) ngo babuze Gashugi (Abdoul Karim,) kwisanzura, ariko ntibyagenze neza. Gusa ndashima imana ko tudatsinzwe. Nzategura imikino itaha.”
Bagumaho Hamis we ngo Kiyovu ibabajwe no kunganya na AS Kigali. Ati “kunganya uyu mukino byagaragaraga ko ari uwacu birambabaje. Ariko niko mu mupira bigenda. Kugerageza amahirwe menshi bitandukanye no gutsinda. Lomami na Muhindo ntibabyaje igitego amahirwe babonye. Ariko ntacyo n’ubu ntituratsindwa”
Undi mukino, Gicumbi FC yananiwe kwisobanura na Mukura VS banganya 1-1. Gicumbi FC niyo yabanje igitego gitsinzwe na Rucogoza Aimable bita Mambo. Kiza kwishyurwa na Amani Mugisho Mukeshe wa Mukura.
Nyuma y’uyu munsi wa gatandatu wa shampionat AS Kigali ubu niyo iri imbere n’amanota 12 inganya na Police FC ariko ikayirusha ikinyuranyo cy’ibitego izigamye, zigakurikirwa na APR FC ya gatatu.
Umunsi wa 6 wa shampiyona muri rusange:
Kuwa Gatanu
Rwamagana City FC 2-0 Bugesera FC
Musanze FC 1-2 Amagaju FC
Kuwa Gatandatu
Rayon Sports FC 0-0 APR FC
Marines FC 0-0 Espoir FC
Sunrise FC 1-1 Police FC
Ku Cyumweru
AS Kigali 0-0 Kiyovu Sports
Gicumbi FC 1-1 Mukura VS
Etincelles FC 1-0 AS Muhanga
Urutonde rw’agateganyo
| No | Team | Pg | W | D | L | GF | GA | GD | PTS |
| 1 | AS Kigali | 06 | 03 | 03 | 00 | 09 | 02 | 07 | 12 |
| 2 | Police FC | 06 | 03 | 03 | 00 | 09 | 04 | 05 | 12 |
| 3 | APR FC | 06 | 03 | 02 | 01 | 05 | 03 | 02 | 11 |
| 4 | Amagaju | 06 | 03 | 02 | 01 | 05 | 04 | 01 | 11 |
| 5 | Kiyovu | 06 | 02 | 04 | 00 | 05 | 01 | 04 | 10 |
| 6 | Mukura | 06 | 03 | 01 | 02 | 08 | 07 | 01 | 10 |
| 7 | Rayon | 06 | 02 | 03 | 01 | 06 | 03 | 03 | 09 |
| 8 | Gicumbi | 06 | 02 | 03 | 01 | 06 | 03 | 03 | 09 |
| 9 | Espoir | 06 | 02 | 02 | 02 | 05 | 06 | -1 | 08 |
| 10 | Rwamagana | 06 | 02 | 01 | 03 | 05 | 04 | 01 | 07 |
| 11 | Musanze | 06 | 02 | 01 | 03 | 05 | 05 | 00 | 07 |
| 12 | Sunrise | 06 | 02 | 01 | 03 | 07 | 11 | -4 | 07 |
| 13 | Marines | 06 | 01 | 02 | 03 | 01 | 05 | -4 | 05 |
| 14 | Bugesera | 06 | 01 | 02 | 03 | 02 | 07 | -5 | 05 |
| 15 | Etincelles | 06 | 01 | 01 | 04 | 03 | 08 | -5 | 04 |
| 16 | As Muhanga | 06 | 00 | 01 | 05 | 01 | 08 | -7 | 01 |
Photos/Umuseke
UM– USEKE.RW
English