Irushanwa ry’Agaciro muri 1/4: Rayon Sports vs Mukura. APR vs Police FC

Mu mukino wayo wa mbere mu rishanwa ry’Agaciro Developent Fund ry’uyu mwaka kuri uyu wa mbere ikipe ya Rayon Sports yihagazeho itsinda Amagaju iyasanze i Nyagisenyi 2 – 0. APR nayo yitwaye neza bitayoroheye imbere ya Bugesera. Muri 1/4 Rayon izacakirana na Mukura naho APR FC ihure na Police FC.

Rayon Sports ibitego byayo byatsinzwe n’umukinnyi ukomoka muri Uganda witwa Davis Kasilye akaba rutahizamuri uri mu igeragezwa i Nyanza ngo barebe niba yakinira iyi kipe y’ubururu n’umweru.

Bugesera FC yo yari yihagazeho cyane imbere ya APR FC ku mukino waberaga i Nyamata cyakora uwitwa Faruk Ruhinda wa APR aza kuyibonera igitego mu gice cya kabiri birangira bityo.

Indi mikino yo kwishyura yabaye kuri uyu wa mbere.

Iburasirazuba n’Umujyi wa Kigali

Itsinda A:

Bugesera FC 0-1 APR FC i Nyamata (Bugesera yahise isezererwa)

Itsinda B

Rwamagana 1-1 AS Kigali i Rwamagana (Hakomeza As Kigali yari yatsinze 2-0).

Sunrise 0-0 Kiyovu i Rwamagana (Hakomeza Sunrise yari yanganirije hanze 1-1)

Iburengerazuba n’Amajyaruguru:

Musanze 2-1 Marines (Hakomeje Musanze yagize 3-1 mu mikino yombi)

Etincelles 1-0 Gicumbi kuri Tam Tam (Hakomeje Etincelles kuko banganyije 2-2 mu mukino ubanza).
Amakipe yo mu Majyepfo:

Amagaju 0-2 Rayon Sports i Nyamagabe (Amagaju yahise asezererwa)

Imikino ya ¼ iri kuri uyu wa gatatu

Rayon Sports vs Mukura (Muhanga)
APR vs Police (Kicukiro)
Etincelles vs Musanze FC
AS Kigali vs Sunrise