Digiqole ad

Kicukiro: Abasirikare 3 bapfiriye mu mpanuka ikomeye, 21 barakomereka

Kicukiro: Abasirikare 3 bapfiriye mu mpanuka ikomeye, 21 barakomereka

Imodoka ya Gisirikare izwi nka Tata iriyubitse abari bayirimo ntibabasha kwitabara

Update: Umuvugizi w’Ingabo z’u Rwanda, Lt Col Rene Ngendahimana yatangaje ko abasirikare batatu baguye muri iyi mpanuka, abagera kuri 21 bagakomereka, muribo batandatu ngo bakomeretse bikomeye.

Yavuze ko Polisi y’u Rwanda yatangiye iperereza ngo hamenyekane icyateye iriya mpanuka.

Kare : Ku gicamunsi cyo kuri uyu wa Kabiri imbere ya Kuri Ecoles des Amis ku muhanda ugana i Nyanza ya Kicukiro habereye Impanuka ikomeye y’imodoka nini ya Gisirikare izwi nka ‘Tata’ yari itwaye abasirikare. Abo Umuseke wasanze ahabereye iyi mpanuka badutangarije ko abasirikare babiri bahise bapfa abandi batatu barakomereka, Umuvugizi w’Ingabo z’u Rwanda Lt Col Rene Ngendahimana yabwiye Umuseke ko bakiri gukurikirana ibibazo bijyanye n’iyi mpanuka.

Imodoka ya Gisirikare izwi nka Tata iriyubitse abari bayirimo ntibabasha kwitabara
Imodoka ya Gisirikare izwi nka Tata iriyubitse abari bayirimo ntibabasha kwitabara

Amakuru ya mbere y’iyi mpanuka yacicikanye ku mbuga nkoranyambaga, aho abayibonye bemezaga ko yari mbi cyane, ndetse ko “yahitanye abasirikare benshi”.

Umunyamakuru Callixte Nduwayo w’Umuseke yageze Kicukiro Centre haruguru gato y’Ibiro by’Akarere ka Kicukiro ahabereye iyi mpanuka.

Imodoka nini ya Gisirikare, ifite plaque ya RDF 194 P, ngo yavaga Nyanza ya Kicukiro aho yari igiye gushyira abasirikare bakora uburinzi aho bagomba kuba bari, ababibonye bamubwiye ko yaba yacitse feri imanuka.

Ngo yambutse dos d’âne (amabimba ashyirwa mu muhanda ngo agabanye umuvuduko w’ibinyabiziga), itangira guta umuhanda kuko yari mu kirere.

Iyi modoka ngo yaje gusa n’ikatira ibumo kugira ngo ive mu muhanda, ishaka nko kurenga umuferegi wo ku muhanda bitewe n’ubunini bwawo isubira inyuma, birashoboka ko uwari ayitwaye yashakaga kutaza guhitana abantu benshi nk’uko ababibonye babivuga.

Abaturage bashyira mu majwi uyu muyoboro w’amazi wo kunkengero z’umuhanda, bavuga ko kuba udapfundikiye bijya biteza ibibazo, ndetse ngo na moto hari ubwo zihunga imodoka zikagwamo.

Abaganiriye n’Umuseke bavuze ko imodoka yari itwaye abasirikare bagera kuri 20, cyangwa barenga.

Umuvugizi w’Ingabo z’u Rwanda yabwiye Umuseke kuri telefoni ko bakiri mu bikorwa bijyanye n’iyo mpanuka.

Uwari utwaye imodka yamaze kurenga dos d'anne imodoka ahita ayiyobreza aho hacukutse isubira inyuma iribirandura
Uwari utwaye imodka yamaze kurenga dos d’anne imodoka ahita ayiyobreza aho hacukutse isubira inyuma iribirandura
Polisi y'u Rwanda yahise itabara, n'abasirikare bahise bahagera
Polisi y’u Rwanda yahise itabara, n’abasirikare bahise bahagera

UM– USEKE.RW

Tags:

30 Comments

  • munezero says:
    10/11/2016 at 16:53

    Mana we , uwiteka atabare we!

    • john says:
      10/11/2016 at 17:06

      Ohhhhh Imana itabare izo ngabo zacu dukunda.

  • mahoro jack says:
    10/11/2016 at 17:30

    Hariya hantu ko hagiye kuzatumaraho abantu koko? Polisi na MVK bahashakire igisubizo kirambye. Reka ariko tunakosore mugenzi wacu Niyonkuru: bandika “dos d’âne” (ntabwo ari dot d’anne). Murakoze.

  • Robert Mutabazi says:
    10/11/2016 at 17:40

    Bavuga dos d’âne apana dot d’anne!!!

    RIP the perished souls!

  • Niyonzima says:
    10/11/2016 at 17:41

    Ziriya camions ntabwo zikoranye technology nziza.zigaragara nk izikomeye ariko ntabwo aribyo.
    Imana ikomeze imiryango y ababuze ababo.

    • kagabo says:
      10/11/2016 at 19:06

      Twihanganishije RDF nababuze imiryango yabo

    • Dede says:
      10/11/2016 at 23:12

      Iyihe Technology irinda Impanuka? RIP our beloved Heroes

    • Titi says:
      10/12/2016 at 06:46

      Uvuze ukuri, nanjye niko mbibona, ziriya camions zigaragara nkizikomeye bihambaye, kdi wapi. Bazisuzume barebe koko niba zikwiriye gutwara abantu.

  • Freeman says:
    10/11/2016 at 17:54

    why Kicukiro??? accidents everyday… what is being done to stop this?? how can we just sit back and watch our people dying everyday due to things that can be prevented. POLICE & MVK please assist. mwashakiye amakamyo indi nzira ntizice hariya kicukiro centre. this is too much

  • luc says:
    10/11/2016 at 18:20

    Frains trop fatigues et mal entretenus! Led marques inconnues! Construire un vehicule c.est pas un jeu due toutlemonde! Soyons prudents avec led marques mound chers !!!! Chinoises ou indiennes usanga as ari nka 1/3 de marques europeennes ou America Ines zimaze imyaka irenga 100 zikora imodoka.

  • mimi says:
    10/11/2016 at 18:21

    Oh Jesus Christ,izo ngabo zacu Imana izakire n’imiryango yabuze ababo yihangane.

  • François says:
    10/11/2016 at 18:32

    abo bitabye lmana, lmana ibakire mubayo kdi bagire iruhukiro ridashira

  • pat says:
    10/11/2016 at 18:44

    yooo birababaje kubura ingabo zacu
    imana ikomeze imiryango yaba bahasize ubuzima.

  • Samusure says:
    10/11/2016 at 19:24

    Nabivuze kenshi ko ibi bintu byo kubaka imihanda bagasiga rigoles aho zidapfundikiye ari urukozasoni kuri Leta, abantu baranseka.

    Ari rigoles ziri aho zirasamye, ari ruhurura ziri aho zirasamye ndetse no muri quartiers zituwe n’abantu benshi… Uretse no guteza umwanda mu mujyi usanga ari n’isoko ya accidents. Bisaba ciment ingana iki kugirango rigoles zipfundikirwe ?

    Niba umuntu wubatse umuhanda wa nyamirambo, akubaka imihanda ya Kiyovu n’ahandi muri 1983 yarabashije gupfundikira rigoles zayo, ni gute umuntu wubaka imihanda ubu muri 2016 nyuma y’imyaka 33 atabasha gupfundikira rigoles cg ruhurura zo muri capital y’igihugu gifite growth rate ya 7% ?

    Ni akumiro kubona ahantu habera accidents buri kwezi ariko abategetsi bakanuye amaso batazi icyo bakora. Abahasize ubuzima bagire urugendo ruhire bagere k’uwabaremye amahoro kandi vuba.

  • Chum says:
    10/11/2016 at 20:38

    Imana ibe hafi y’imiryango yatakaje abayo. Izo ngabo zifatwe nk’intwari zapfiriye ku rugamba kuko zapfuye zigiye ku nshingano zazo! Viva RDF!

  • damas says:
    10/11/2016 at 21:51

    nihakorwe inama ihuze umujyi wa kigali police nabashinzwe inyigo zimihanda barebe icyogukora atalibyo hariyahantu haratumaraho abantu umusirikare ahora arumusirikare ntako atajyize kdi urumvako iyadakora ibyoyakoze aba yahitanye benshi.

  • fizo says:
    10/12/2016 at 05:59

    imiryango yabuze ababo ikomeze yihangane koko birababaje na RDF murirusange

  • mukarugira emerence says:
    10/12/2016 at 07:10

    OHOOO NDABABAYE IYO HAGIZE INGABO ZACU ZIGIRA IBIBAZO NKIBYO, ARIKO NKANASHIMA CHAUFFEUR KO ATASHATSE KO HAGENDA NABANDI ASANZE KUMUHANDA, BRVO rdf, MWIHANGANE KANDI TUBARINYUMA, NIMIRYANGO YABUZE ABABO BIHANGANE CYANE.IMANA IKOMEZE IBARINDE.

  • salomon says:
    10/12/2016 at 07:55

    abasirikare bacu bihangane tubari unyuma rwose.uriya muhanda bazerebe design yawo niba idateje ikibazo

  • Liberee says:
    10/12/2016 at 08:07

    Arko MANA yacu wadutabaye ukadukiza iki kibazo cy ,impanuka koko ,imana yakire izontwali zacu

  • Jovie says:
    10/12/2016 at 08:56

    Yooooohhh iyi nkuru irambabaje pe bariya batype nabana beza ntawe banduranyahaoo bafite Displine,mubyukuri uRwanda Rubuze intwali may thier Life rest in eternal peace,

  • Vital kicukiro says:
    10/12/2016 at 09:05

    @Samusure umvugiye ibintu 100% ndemeranywa nawe

  • Manzi says:
    10/12/2016 at 09:12

    Birababaje gutakaza ubuzima bwabantu. Imana ibahe ikiruhuko kitashira nabari mubitaro twifatanyije namwe akababaro. Mubisanzwe hariya hantu hari ibibazi bitandukanye;
    1. iriya hump bubatse ntibayiteye irangi ngo igaragare, ubwo ibikurikira urabyumva.
    2. Bugufi na hump hari bus stop. Iyo bus stop iri mumuhanda. Nukuvuga bus iyo ihagaraye gutwara abagenzi ntazindi modota zitambuka.
    3. Ziriya bus ni nini ugereranyije nimihanda yacu. iyo bus nka ziriya ihagaze gukuramwo cyangwa kutwara abagenzi ntazindi modoka zitambuka
    4.imiyoboro y’amazi yo kunkengero z’imihanda kuba udapfundikiye biteza ibibazo, ndetse kenshi niyo driver agize ikibazo abura ukuntu yava mumuhanda ngo agerageze kuja kuruhande.
    5. Abashoferi bibi binyabiziga binini nabo babijana nabi. kenshi usanga ari hagati mumuhanda. bigateza ikibazo mumuhanda.

    Solutions
    iriya imiyoboro y’amazi yo kunkengero z’imihanda ikwiriye kupfundikirwa byihuse kandi nabubaka humps bakazisiga irangi. ahantu hazaja hashirwa bus stop baje babanza kuhagura ngo bus nizindi modoka zibashe kubisikana.Ubu ikihe kirageze ko twakwagura imihanda cyane cyane iyinshira mumugi. ingero; ikiraro kiri kumuhanda wa Byumba (aho bakunze kwita kwa Mirimo. Umuhanda uja iburasira zuba (aho bakunze kwita kucya mitzingi), umuhanda ahabereye impanuka kuva inyanza kugeza sonetube.
    nibindi, nibindi. dutangiye nonaha gutegura umuji wejo byaba bidukijije ibibazo byejo.

  • longman says:
    10/12/2016 at 11:13

    sha manzi ndakwemeye urintore itaganya igashakibisubizo niwebavuza

  • Mike says:
    10/12/2016 at 12:26

    Yoo Uwiteka agenderere imiryango yabuze abayo, abavuye mu mubiri baruhukire mu mahoro, ndetse twihanganishije RDF muri rusange turizera ko hariya hantu habera impanuka Traffic police hari ingamba izahafatira

  • MATESO JEAN says:
    10/12/2016 at 13:18

    AFANDE NGENDAHIMANA NDAKWIBUKA MULI UNR . REKA DUKOMEZE TWIHANGANE.

  • KICUKIRO says:
    10/12/2016 at 14:18

    Leta yari kwiye kwisubiraho kabisa…. bazabarure umubare w’abantu bazira accident kuri uriya muhanda wa Nyanza—Kicukiro buri mwaka. Birinde byabindi byo gutekinika bavuga umubare muto ngo badakanga abantu. Murebe niba ingamba mufatira uriya muhanda wa Kicukiro zikwiye ibyo duhombera hariya hantu. Rigole zirarangaye kuburyo n’umuhanda ubwawo Atari safe. Njye ndahaturiye, ariko ibintu bibera hariya hantu, wagira ngo ubuyobozi nti bubimenya kandi buhaturiye. Icyo bazi gusa ni ukubeshya imibare ngo hapfuye abasirikare 3, hapfuye abantu 7 gusa….none se ko mutavuga igihe iyo hari umuntu 1, 2,3 bagongewe hariya hantu kubera umuhanda muto, cg birisobanura iyo hapfuye umwe aba ari ntakibazo, mutangira kubara nibura iyo barenze 10. Muze muvugisha ukuri kandi mufate ingamba zikwiriye.Turabirambiwe.

  • Valens says:
    10/12/2016 at 14:24

    I,m calld valens from ur huye compus after reading the suggestion of owr neighours,my addition isthat,is to put owr them into the heros themafter praythem for owr lord

  • Valens says:
    10/12/2016 at 14:27

    I,m calld valens from ur huye compus after reading the suggestion of owr neighours,my addition isthat,is to put them into the heros themafter praythem for owr lord

    • vava says:
      10/12/2016 at 18:03

      genda valens urandangije, ukiresheje indimi z’ imiriro ariko?
      izo ntwari ziruhukire mu mahoro.

Comments are closed.

© Since 2011, Umuseke. All rights reserved

en_USEnglish
en_USEnglish