Gatsibo: Umusore yaraye yiciwe mu gishanga cya Kanyonyomba

Umuvugizi wa Polisi mu Ntara y’Uburasirazuba, IP Emmanuel Kayigi yatangarije Umuseke ko mu gishanga cya Kanyonyomba ahitwa ‘barrage’ mu kagali ka Rwarenga, umurenge wa Remera muri Gatsibo bahasanze umurambo w’umusore wishwe ariko ngo abakekwaho kumwica ntibarafatwa ngo bavuge icyo bamujijije.

IP Kayigi avuga ko aho nyakwigedera yiciwe ari mu gishanga kirimo akayira nyabagendwa ariko ngo iyo bwije haba hasa nabi kubera umwijima.

Yabwiye Umuseke ko ubwicanyi nka buriya budakunda kuba muri kariya karere, ariko asaba abashinzwe umutekano mu midugudu no mu tugali gukaza amarondo kandi abaturage bagakomeza kujya batanga amakuru kugira ngo habeho gukumira ibyaha.

Umurambo wa nyakwigendera ngo wajyanywe mu buruhukiro mu bitaro bya Nyagatare kugira ngo usuzumwe hamenyekane icyamuhitanye.

UM– USEKE.RW