Burundi: Abigaragambya bahaye Nkurunziza amasaha 48 yo kwisubiraho

Ange Eric Hatangimana
05/01/2015

Abigaragambya batanze agahenge k’iminsi ibiri kazagera ku wa mbere (Net Foto)

Ihuriro ry’abigaragambya badashyigikiye manda ya gatatu ya Perezida Pierre Nkurunziza basabye Abarundi kureka kujya mu muhanda mu gihe cy’iminsi ibiri kugira ngo Perezida uriho abanze atekereze neza ku cyemezo cyo kuziyamamaza mu matora azaba ku ya 26 Kamena.

Abigaragambya baravuga ko bashyizeho agahenge k’iminsi ibiri kuva ku wa gatanu kugeza ku cyumweru, bagasaba Nkurunziza kubyaza umusaruro ayo masaha 48 atekereza ku ngaruka manda ya gatatu izagira ndetse bagasaba ko byagera ku wa mbere yamaze kwisubiraho.

Ibi byatangarijwe abanyamakuru na Pacifique Nininahazwe, umwe mu bari imbere mu miryango idashyigikiye manda ya gatatu ya Perezida Pierre Nkurunziza.

Yagize ati “Bitabaye uko, ku wa mbere, tuzajya mu mihanda n’imbaraga nyinshi, kandi ntituzavamo, kugeza ubwo azareka umushinga we.”

Iyi minsi, ku wa gatandatu no ku cyumweru, ngo izakoreshwa mu gushyingura abaguye mu myigaragambyo imaze iminsi i Bujumbura mu buryo bw’icyubahiro kandi ngo ni n’akaryo ku bigaragambya ko gutegura imyigaragambyo yo mu cyumweru gitaha.

Iyi myigaragambyo y’abadashyigikiye manda ya gatatu kuri Perezida Nkurunziza, imaze iminsi itandatu, abaturage b’abasivile batandatu bayiguyemo, abandi 66 barakomeretse nk’uko bitangazwa n’umuryango wa Croix Rouge i Burundi.

Kuri uyu wa gatanu mu mujyi wa Bujumbura imyigaragambyo yakomeje, ariko mu mutuzo nta bintu by’ubugizi bwa nabi byatangajwe.

Ubutegetsi mu Burundi buvuga ko abapolisi bagera kuri 50 bamaze gukomerekera muri iyi myigaragambyo.

Umunyamabanga Mukuru w’ishyirahamwe ry’abakozi aho mu gihugu cy’Uburundi, Gaspard Nzisabira, yasabye Leta n’abigaragambya kujya mu mishyikirano ngo kuko amaherezo niho bishya bishyira.

Yagize ati “Imyigaragambyo ifite ingaruka mbi ku buzima bw’inganda n’abikorera ndetse no ku bukungu bw’igihugu.”

Jeuneafrique

UM– USEKE.RW

19 Comments

kibwa2 says:
05/01/2015 at 23:12

Ariko abantu bigaragambya mimahoro bafunga imihanda bagatwika bagatera amabuye!? Ubwo iyo iba ari imyigaragambyo yo mumaho!? Ubundi bagashaka ko Police ibihorera!!?

dafa says:
05/02/2015 at 04:44

Kibwa police niyo yabasagariye kuko batsngiye numahoro itangira ibarasaho nabo baba barasaze nibwo gutangira urugono

Alis murokore says:
05/02/2015 at 05:05

Aho bucyera harajyaho inzibacyuho

Munyarwanda says:
05/02/2015 at 05:59

dore amarembera mabi yu mugabo Nkurunziza sinzi icyo atabona !!!!

Wanzwe n’abaturage gutya ntiwamara kabili ubayobora…, Choix asigaranye ipfa kuba nzima ho gatoya n’ahunge.

Printemps ARABE
Printemps BURUNDAIS

aline says:
05/02/2015 at 06:13

cyakoze birababaje!abo bapfuye harya ubwo bararirwa na leta cg!!!afrika turacyahumye koko!!!!ababifitemo inyungu
barigaramiye imburamukoro zirikwangara!!!!!!

Karorero says:
05/02/2015 at 06:16

This is a sign of satisfaction. Barahaze. Nta kindi
- Summer Breeze says:
  05/02/2015 at 19:32
  
  what a dumb and ignorant thing to say? bucya bwitwa ejo, jya witonda mu bigambo utura hano

Emmanuel says:
05/02/2015 at 10:41

Ntawamenya aho mwene ubu buyobozi bugana bajye baza bigire mu Rwanda uko igihugu kiyoborwa

kabuye says:
05/02/2015 at 10:53

Tweba abantu mushukwa nubutegetsi bubi ugiye mumuhanda bakumenye umutwe urapfuye none wibwira ko recta izagukurikirana,muritonde imuigaragambya mwiza burya ntinkigisirikare kigumutse nkwaga perezinda

Isaie says:
05/02/2015 at 14:20

Nonese urinda uvugango nuko bahaze,buriya ubona ntacyo baharanira?ntaterambere bafite uri kwinaniriza kubutegetsi ubona haricyo yaba mariye?yewe niwivugire shahu ntabwo uzi ukuntu i Mahama huzuye abana barwaye indwara z,imirire mibi!Gusa umenyeko utaranigwa agaramye agirango ijuru ririhafi,gusa njye abarundi ndabashyigikiye kurwanya umuntu wica amategeko nkana ntaniterambere nibura agaragaza ngo nibura bibe urwitwazo.
- Summer Breeze says:
  05/02/2015 at 19:31
  
  rata wowe uravuga ukuri. smart man! naho uriya ngo barahaze? ariko mwagiye mureka agasshinyaguro koko

Isaie says:
05/02/2015 at 14:38

Reka umwanya bafite bawukoreshe ibyiza biraharanirwa nonese bamureke yice amategeko,bwaki ikomeze itongore?umuntu niwe umenya umusongawe,abavandimwe babarundi barababaye,Nkurunziza ashatse yabumva.Arikose niba Nkurunziza atumva,n,umufasha we ntiyumva?Yagiriye umugabo we inama konziko basenga barabona guteza ibibazo igihugu,haricyo bizabafasha nyuma y,ububuzima?Gusa bamenyeko igihugu kitari gutera imbere ahubwo bari kukidindiza.Mbega african abasenga byukuri nimusengere abavandimwe babarundi naho ubundi ntiborohewe namba.

Kalimiro says:
05/02/2015 at 22:55

Natwe muri 2017 tuzajya mu muhanda nibahindura itegekonshinga

CYUSA Jean de dieu says:
05/03/2015 at 01:50

Nunvise comt zose ndashimira bamwe nabamwe.gusa mwitegereje murwanda amahoro dufite ntahandi yavuye uretse kuba burimuturage wese yarishyizemo kuyoborwa akanayobora.2 dufite ubuyobozi bwuzuzanya kd dufite abaturage bunva.kd dufite prensiple yuko burimunyarwanda wese ashinzwe umutekano wigihugu cyacu.so turabaturanyi kd iyo umuturanyi arwaye ntago unezerwa nibunvikane kd bige kumwanzuro amahanga adakomeza kwandika uburundi kenci mumpapuro

Rutayisire Osée says:
05/03/2015 at 04:32

Ibintu ni bi deux Pfa cg Urekure.

Tizi says:
05/03/2015 at 08:17

Kalimiro ararimira he muri ibyo bigambo avuze. Jye ndabona ashobora kuba yibera mu Bufaransa kuko nibo banga u Rwanda n’abanyarwanda. Kagame tuzamutora bitari ku nyungu ze ahubwo ku nyungu z’abanyarwanda n’abakunda u Rwanda, yadukuye habi ntabwo wamugereranya na Nkurunziza