AMAFOTO y’umukino wa APR FC na Al Ahly mu Misiri

CHIEF EDITOR
04/06/2015

Mukunzi Yannick ahanganye na Walid Soliman, umusore w’ubuhanga bwinshi ku mupira iwabo bamwe “Messi wo mu Misiri”

Nta gitunguranye, muri week end APR FC yatsindiwe mu Misiri 2 – 0 nyuma yo gutsindirwa mu Rwanda mu mukino ubanza nabwo 2 – 0. Umunyamakuru Reda Ghanem wo mu Misiri yabwiye Umuseke ko uyu mukino Al Ahly nabwo yagaragaje ko irusha byinshi APR FC cyane mu marushanwa nk’aya y’amakipe yabaye aya mbere iwayo muri Africa.

Ikipe ya APR FC yabanje mu kibuga imbere ya Al Ahly — Abahagaze kuva ibumoso: Kwizera Olivier, Buteera Andrew, Iranzi Jean Claude, Rugwiro Hervé, Mukunzi Yannick. Abunamye: Emery Bayisenge, Ngabonziza Albert(Kapiteni), ,Ndahinduka Michel(Bugesera), Rusheshangoga Michel, Issa Bigirimana na Iradukunda Bertrand. Umutoza wabo nawe yaje kwifotozanya nabo.

Al Ahly yagaragaje ingufu nyinshi kuri uyu mukino kurusha muwabanje i Kigali nk’uko bivugwa n’umunyamakuru Reda Ghanem.

Kuri uyu mukino Moomen Zakaria yatsinzemo ibitego bibiri wenyine ku munota wa 30 na 49. Icya mbere yagitsinzwe ku mupira yahawe na Hussein El-Sayed.

Uyu mukinnyi Zakaria akaba yaravuye mu ikipe ya Zamalek mukeba ukomeye wa Al Ahly mu kwezi kwa mbere uyu mwaka. Ibi nibyo bitego bya mbere atsinze muri iyi kipe.

Abatoza Vincent Mashami wungirije muri APR FC na Ibrahim Mugisha utoza abazamu bari muri stade badatoza kubera ibihano bashyitiweho n’ishyirahamwe ry’umupira w’amaguru mu Rwanda, ubusanzwe ihita imenyesha CAF ibyemezo byayo.

Aba bahagaritswe imikino itatu kubera imyitwarire ku mukino wabereye i Rusizi APR imaze gutindwa.

Aya ni amwe mu mafoto y’uyu mukino:

Umutoza wa APR FC avuye mu mudoka yinjira kuri stade Petro yabereyeho uyu mukino

Andrew Buteera ukina hagati muri APR FC aje guhangana n'abarabu — Andrew Buteera ukina hagati muri APR FC aje guhangana n’abarabu

Amakipe yombi aramukanya ku mukino bakinnye nta mufana uri ku kibuga

Iburyo, Michel Ndahinduka aramutsa Hussein Sayed

Rusheshangoga yahuye n'akazi gakomeye — Rusheshangoga yahuye n’akazi gakomeye

Ngabo Albert niwe wari Kapiteni kuri uyu mukino kuko Nshutinamagara atakinnye kubera imvune

Umuzamu Olivier Kwizera nawe yagize akazi uyu munsi

Emery Bayisenge ibumoso agerageza guhagarika Emad Moteab w’imyaka 32 umurusha ubunararibonye cyane

Mukunzi Yannick ahanganye na Walid Soliman, umusore w'ubuhanga bwinshi ku mupira iwabo bamwe "Messi wo mu Misiri" — Mukunzi Yannick ahanganye na Walid Soliman, umusore w’ubuhanga bwinshi ku mupira iwabo bamwe “Messi wo mu Misiri” akina ku ruhande mu basatira

Moomen Zakaria yishimira igitego cya mbere muri Al Ahly nyuma yo kuva muri Zamalek

Mu byishimo cyane kuri stade itariho umufana

Barashima Allah nyuma yo gusezerera APR FC

Photos/Reda Ghanem

Faustin NSENGIYUMVA
UM– USEKE.RW

8 Comments

kiki says:
04/06/2015 at 17:26

Kwari ukwigaragaza gusa bari barasezerewe cyera,gusa ni dutegure bizaza

Kadahumeka Kavubi Ka karekezi says:
04/06/2015 at 17:45

Hahaha hahaha..A.P.R Iyo Yatsinzwe mba Nunva meze Bon.. Igikona Bacyinitse Mu Gisafuriya Cyuzuyemo Igikoma !! Ngayo Nguko Ibaba Rurahasigaye
- Claude says:
  04/09/2015 at 06:23
  
  Ndakeka ufana Rayon

maso says:
04/07/2015 at 09:13

gutsindwa kwa APR kuntera akanyamuneza

gahima john says:
04/07/2015 at 09:17

APR yagize amahirwe menshi. iyo haba abafana nk’abo twabonye i Kigali gusa yari krya 6. Nigaruke ku itetero yitetere

simbs says:
04/07/2015 at 14:34

We have really no football in Rwanda….
- Ntakigenda says:
  04/08/2015 at 07:16
  
  Yewe yewe,hanyumase kwishima ko APR yatsinzwe idatsinzwe namwe byo bivuze iki koko,wagirango mwarwaye indwara yitwa APR ariko buriya niyo muryamye ntimujya murota APR FC koko,umuntu nukuzajya ababona akababwira ngo mwapfa APR mugakuramo akarenge kuko ndumva yarabahabuye cyane,ntakundi byagenda burya umugabo aratinywa na kera kose byahozeho gusa ikibazo cyanyu nuko mutinya ariko intinyi yanyu mugashaka kuyisigiriza ngo APR barayibira,barayitetesha …… mwe se iyo mwatsinze kuki mutavuga ko babibiye cyangwa iyo APR yatsinzwe kuki mutavuga ko bayibye?yewe muzajye kwa muganga kwivuza iyo ndwara yabateye kwifuza no kugambirira nabi.

MUSHAMBO says:
05/10/2015 at 16:47

iyi match yari danger waaaaaa Watch this http://www.yopika.tv/20150510/v-haha_sport_1_name-1068735-554e8043648ed6.10117393.html

Comments are closed.

Share this:

8 Comments