Urban Boys iri imbere mu bitaramo 6 bya PGGSS bimaze kuba
Urban Boys imaze kugaragaraza ko ifite abafana benshi muri iri rushanwa
Mu yandi marushanwa ya Primus Guma Guma Super Star yabanjirije iri, nti byigeze bigera mu bitaramo bitandatu hari hagaragara ushobora kuzaryegukana kubera umurindi w’abafana bamwe babaga bafite. Ariko ubu Urban Boys igerereye gukoza imitwe y’intoki ku gikombe kubera ubwinshi bw’abafana iri tsinda rifite.
Mu gitaramo cya mbere cy’iri rushanwa ririmo kuba ku nshuro ya gatandatu cyabereye i Gicumbi ahahoze ari i Byumba mu Ntara y’Amajyaruguru itsinda rya Urban Boys ryaje ku mwanya wa kabiri rirushijwe na Danny Nanone.
Mu bindi bitaramo byagiye bikurikira birimo icy’i Ngoma nacyo Bruce Melodie yaje imbere, ibisigaye byose uko ari bine itsinda rya Urban Boys ryagiye rirusha abandi bahanganye mu buryo bugaragarira buri wese wabaga yaje muri ibyo bitaramo.
Ikindi kivugwa n’abantu batandukanye bakurikirana umuziki nyarwanda n’ibi bitaramo by’irushanwa rya Guma Guma muri rusange, ni uburyo bw’umubare mukeya w’ibitaramo ugereranyije n’andi yabaga afite ibitaramo bisaga 15 mu gihe iri rizagira 8 gusa.
Igitaramo cyatumye benshi mu bakurikirana iri rushanwa batangira guha amahirwe iri tsinda, n’igitaramo cyabereye i Huye aho na bamwe mu bahanzi barimo guhatanira iri rushanwa nabo bavugaga ko bitangaje uburyo Urban Boys yafanwe.
Imwe mu ntwaro iri tsinda ririmo gukoresha kugirango babe bafite umubare w’abafana bangana batyo, n’indirimbo zabo nshya batari barigeze kuririmba imbere y’imbaga ingana n’iyo baririmbira.
Ibyo rero bigahurirana nuko benshi mu baza kubashyigikira biba ari ubwa mbere babonye iryo tsinda ririmba izo ndirimbo imbona nkubone aho kuza kuri radiyo gusa.
Huye, Nyamirambo na Musanze niho hantu iri tsinda ryagaragaje ko rishaka igikombe byaba ku neza cyangwa se ku nabi. Kuko niho hantu buri wese wari uri aho yahitaga avuga ko irushanwa bazaryegukana.
Primus Guma Guma Super Star, n’irushanwa rigamije guteza imbere umuziki nyarwanda ari nako rihuza abahanzi 10 baba bakunzwe cyane kurusha abandi mu Rwanda ari naho hagaragara uhiga abandi muri abo 10.
Mu gihe iri tsinda ryaba ryegukanye iri rushanwa, bikazaba ari ku nshuro ya mbere ryegukanywe n’abahanzi bagize itsinda aho kuba yaba ari umuhanzi ukora ku giti cye.
Ku nshuro ya mbere ryegukanywe na Tom Close,King James, Riderman, Jay Polly na Knowless uherutse kuryegukana mu mwaka wa 2015.
Mu gitaramo kizabera i Rubavu ku itariki ya 30 Nyakanga 2016, nicyo gitaramo kibanziriza icya nyuma benshi mu bahanzi biteguye kuzitwara neza bityo n’amanota akaba yakwiyongera.
Dany Vumbi, Young Grace, TBB, Allioni, Umutare Gabby, Jules Sentore, Dany Nanone, Christopher, Bruce Melody na Urban boys, ubona bazakurikirana gute mu myanya?
Joel Rutaganda
UM– USEKE.RW
English
10 Comments
Urban boys igikosi ni icyabo rwose pe!!!!!!!!
Swagga boys,swagga level nibakibahe nubundi baratinze kabisa aba basore barashoboye.hazakurikira Bruce,then Danny,then Christopher .Bruce azatwara icyubutaha nizereko batazamwangira kwitabira nka sendeli
ubwo mutangiye kuvuga ngo URBAN BOYZ mugiye kuzana umwuka mubi mutegereze mwavuganye nande ? mwavuganye nabahe ko twese tuba turi aho bakorera show kuki mutangiye kuvuga ibyo mutahagazeho dufite aba judge uruhare rw’abafana si rwo rwatuma baba aba mbere rwonyine ahubwo mwebwe niba mubafana mubatore naho mureke gutangira kuvuga vuga .
@platini nutemera urukwavu yemer ko ruzi kwiruk Urban boys irashoboy kdi ntabw ari ugufan gsa no gutor turator ubw rero muturindire rubavu muzabibona kbs
hahahahah ukuri kuryana mumatwi @platini
nawe urabizi ko urban boyz irimbere nubwo wijijisha kbs kd iranashoboye kuko barabyerekana aho bageze hose muma roadshow
Urban Boys+Swagger Famille =Victory
ahubw le 13/08 hatinze kugera ngo baduhe igikombe
Ushyize mu kuri kugaragarira buri wese ubona ko Urban Boys aribo bakwiiye kwegukana iri rushanwa….
Umubare munini w’abafana, ubustar, uburambe mu muziki, imyambarire myiza, gutegura stage neza, kuririmba neza, indirimbo nziza kdi zose zikunzwe………
Ibi byose byerekana ko igihe ari icyabo ngo batware igikombe.
mwana ahangaha jyewe ndabona igikombe cyarabonye nyiracyo kuko nizo road shaw muvuga babaye aba 2 nabyo simbyemera kuko kugeza ubu nta road shaw nimwe batayoboye.
nukiri ibyo muvuze ndabyemeye pe!!!! nafanaga undimuhanzi arko nsigaye mbona URBAN BOYS. igikwiye pe yarankosoye muribibi taramo.bakiyiye naku ndi uwanjye azagitwara ubutaha
Muvuga mwareke GMA GMA ; Christopher araye gukany Bose babiraba. Nta urban boyz ntabo.Christopher yagiyeh se?? Bon chance musore. No ngaha bja tukurinyuma pe