Uganda: Urukiko rwategetse ko Besigye na Lukwago bafungwa

Urukiko rwa rwitwa Kabale Magistrates Court rwategetse ko uzahagaraira amashyaka atavuga rumwe na Leta mu matora y’umukuru w’igihugu ateganyijwe umwaka utaha Kizza Besigye hamwe na Mayor wa Kampala Erias Lukwago bafungwa kubera ko banze kurwitaba ngo babazwe impamvu bataje gusobonura icyabateye guasba abaturage guteza akaduruvayo mu mujyi.

Aya mabwiriza kandi areba umunyamabanga wa FDC Ingrid Turinawe hamwe n’ukuriye umujyi wa Kawempe witwa Mubarak Munyagwa.

Aba bose barashinjwa kuba baratumye abayoboke babo bajya mu mihanda kwigaragambya ku italiki ya 14, Nyakanga uyu mwaka muri stade ya Kabale.

Ubushinjacyaha buravuga ko abayoboke ba bariya bagabo bateye abapolisi amabuye bagakomeretsa bamwe muri bo.

Mu kwezi gushize urukiko rwasabye bariya baregwa kurwitaba ariko ngo ntibitabye ibi bikaba byatumye urukiko rutegeka ko bafatwa.

Umunyamategeko Gloria Inzikuru yategetse ko bariya bagabo bafatwa kubera impamvu zavuzwe haruguru.

Uwunganira abaregwa Jonathan Bwagi yabwiye The Monitor ko abakiliya be babuze mu rukiko kubara bari bahugiye mu bikorwa byo kwiyamamaza.

Urukiko ngo ruzongera kwiga ku kibazo cy’aba bagabo kuri 20, Ukwakira uyu mwaka.

UM– USEKE.RW