Micho yagizwe umutoza wa Uganda Cranes

Umunyaserbiya watozaga ikipe y’igihugu y’u Rwanda amavubi, Sredojevic Milutin MICHO ubu niwe wabaye umutoza w’ ikipe y’igihugu ya Uganda (Cranes) kuva kuri uyu wa 21 Gicurasi.

Nyuma yaho ishyirahamwe ry’umupira w’amaguru muri icyo gihugu rihamagaje inama n’abanyamakuru aho bagomba kwiga k’umutoza uzasimbura Bobby Williamson uherutse kwirukanwa kuri iyo mirimo. Ako kanama kakaba kahaye akazi Micho uherutse kwirukanwa ku murimo wo gutza Amavubi y’u Rwanda.

Bobby wahesheje Uganda cranes igikombe cya CECAFA inshuro enye zose akaba yarirukanwe azira kudahesha ito kipe ya Uganda itike yo kujya mu gikombe cya afurika

Micho w’imyaka 43 yageze muri Uganda nyuma yo gusezererwa n’ishyirahamwe ry’umupira w’amaguru mu Rwanda(FERWAFA) kuko atageze ku nshingano yahawe.

Micho afite uburambe muri aka karere k’ibiyaga bigari kuko yatoje amakipe nka St George(Ethiopie) na SC Villa yo muri icyo gihugu aho yayihesheje n’ibikombe nka CECAFA,.

Uyu mugabo wasinye kontaro y’imyaka ibiri yagejeje ikipe ya Orlando Pirates(South Africa) muri kimwe cya kabiri cya CAF championsleague mu mwaka 2006.

Ku murimo we azungirizwa na Sam Timbe waciye mu Rwanda agatoza ikipe ya Atraco FC (itakibaho)

Chimpreports

JD Nsengiyumva Inzaghi
UM– USEKE.RW