South Sudan: Riek Machar wahoze ari Visi Perezida yabashije guhunga

Uwahoze ari Visi Perezida  muri Sudan y’Epfo, akaba akuriye inyeshyamba, Dr Riek Machar yabashije guhungira mu gihugu cyo muri Africa y’Iburasirazuba nk’uko abo mu nyeshyamba ze babivuga.

Riek  Machar yavuze mu murwa mukuru Juba, nyuma y’imirwano ikomeye mu kwezi gushize hagati y’ingo za Leta zishyigikiye Perezida Salva Kiir n’inyeshyamba ze.

Umuvugizi wa Dr Riek Machar, Gatdek Dak yavuze ko Machar aho ari noneho ashobora gukoresha ibitangazamakuru akanamenya amakuru y’ahandi ku isi.

Riek Machar ni umuyobozi w’inyeshyamba zimaze imyaka ibiri zirwanya ubutegetsi bwa Sudan y’Epfo, muri Kanama 2015 hari habayeho gusinya amasezerano yo kurangiza iyi ntambara.

Machar yari yemeye gusubira i Juba muri Mata 2016, ndetse Perezida Slva Kiir yemera kumwakira nka Visi Perezida we.

Nyuma y’igihe gito ariko, imirwano hagati y’ingabo z’aba bombi yongeye kubura, ndetse ihitana benshi mu basirikare kuri buri ruhande, inatera abaturage basaga 100,000 guhunga.

UM– USEKE.RW