Rayon yatsinze Rwamagana City 3-0, yerekana abakinnyi bashya

Mu mukino wa gicuti wabereye kuri stade ya Muhanga kuri uyu wa kane, Rayon Sports yakiriye Rwamagana City, iherutse kuzamu mu kiciro cya mbere, maze iyitsinda ibitego bitatu ku busa. Iyi kipe y’i Nyanza hamwe na Rwamagana zikinnye mu rwego rwo kumenyereza abakinnyi bashya no kuberekana.

Rayon niyo yayoboye uyu mukino iranawutsinda.

Ku munota wa mbere gusa Djuma Niyonkuru bita Radju yahindukije umunyezamu wa Rwamagana City, uyu watsinze iki gitego ni myugariro mushya wa Rayon wavuye muri Kiyovu Sports.

Rayon Sports yatozwaga na Sosthene Habimana yaje kandi gutsinda igitego cya kabiri muri iki gice cya mbere gitsinzwe na Kasereka Mugheni Fabrice bigeze guha amazina ya Mutuyimana Moussa uyu yahoze ari kapiteni wa Police FC.

Mu gice cya kabiri impande zombi zashyizemo abakinnyi bashya. Rayon yinjijemo Nshuti Dominique Savio na Salomon murumuna wa Bokota Labama ku ruhande rwa Rwamagana.

Ibi byashyuhije umukino, binabyara igitego cya gatatu cya Rayon nacyo cyatsinzwe na Kasereka Mugheni Fabrice umukino urangira utyo.

Shampionat aya makipe ari kwitegura izatangira muri week end ya tariki 18 Nzeri 2015. Imikino ibanza ikazagenda itya;

18, Nzeri 2015
Bugesera FC vs SC Kiyovu (Nyamata)
Mukura VS vs Police FC (Muhanga)

19, Nzeri 2015
AS Muhanga vs Espoir FC (Muhanga)
Etincelles FC vs APR FC (Tam Tam)
Gicumbi FC vs Amagaju FC (Gicumbi)

20, Nzeri 2015
AS Kigali vs Rwamagana City FC (Mumena)
Sunrise FC vs Musanze FC (Rwamagana)
Marines FC vs Rayon Sports FC (Tam Tam)

UM– USEKE.RW