Nyuma yo gutsinda Marines 2-0, ubu Rayon niyo ya mbere
Davis Kasirye(10) na bagenzi be bishimira igitego cya kabiri cya Rayon Sports
Ku munsi wa mbere wa shampionat y’ikiciro cya mbere, kuri iki cyumweru Umujyi wa Rubavu warii wuzuye abafana benshi harimo n’abavuye muri Congo baje kureba umukino wa Rayon Sports na Marines, warangiye Rayon itsinze 2 – 0 bituma ihita ifata umwanya wa mbere by’agateganyo.
Igice cya mbere cy’uyu mukino cyihariwe cyane na Rayon sports, umutoza mushya, umufaransa David Donadei, yari yahisemo kubanzamo rutahizamu ukiri muto Olave Gahonzire yicaza Davis Kasirye na Ndikumana Bodo bagaragara nk’ab’ibanze.
Gahonzire byaramugoye guhita yibona, ndetse igice cya mbere kirangira nta mahirwe akomeye yabonetse ku mpande zombi.
Mu gice cya kabiri Abdul Karim Nduhirabandi bita Coka utoza Marine ikipe ya yatangiye isatira cyane ishaka igitego hasi hejuru. Ariko bigera mu minota 15 y’iki gice cya kabiri byananiranye.
Ku munota wa 65 umusore witwa Djabel Manishimwe wa Rayon Sports yarekuye urutambi rw’ishoti ari nko muri 25m uvuye ku izamu rya Marines maze umuzamu akurikiye biranga icya mbere kiba kiranyoye.
David Donadei yahise akuramo Emmanuel Imanishimwe ukina ku ruhande ibumoso ashyiramo Bodo Ndikumana, anavanamo Olave Gahonzire ashyiramo Davis Kasirye. Byagaragaraga ko igitego kimwe kitamuhagije.
Ku mupira yaherejwe na JMV Rukundo, Davis Kasirye yatsinze igitego cya kabiri ku ishori yatereye mu rubuga rw’amahina biba bibiri ku busa ari nako umukino warangiye.
Coka utoza Marines FC yatangaje ko atsinzwe kubw’amahirwe macye yagize kandi yakinnye n’ikipe nkuru. Naho umutoza Donadei we avuga ko nubwo ari intsinzi yabagoye ariko ari byiza ko batangiye shampionat batsinda akaba ngo atanga ikizere ko bazakomeza uko batangiye.
By’agateganyo, Rayon Sports ikaba yahise ufata umwanya wa mbere kubera uko indi mukino yagenze.
Uko ndi mikino yagenze:
Kuwa gatanu
Bugesera FC 0-0 SC Kiyovu
Mukura V.S 1-2 Police FC
Kuwa gatandatu
AS Muhanga 1-2 Espoir FC
Etincelles FC 0-1 APR FC
Gicumbi FC 0-0 Amagaju FC
Ku cyumweru
AS Kigali 0-0 Rwamagana City FC
Sunrise FC 2-1 Musanze FC
Marines FC 0-2 Rayon Sports FC
| No | Team | GD | PTS |
| 1 | Rayon | 02 | 03 |
| 2 | Police FC | 01 | 03 |
| 3 | Espoir | 01 | 03 |
| 4 | Sunrise Fc | 01 | 03 |
| 5 | APR FC | 01 | 03 |
| 6 | Kiyovu | 00 | 01 |
| 7 | Amagaju | 00 | 01 |
| 8 | Bugesera | 00 | 01 |
| 9 | Gicumbi | 00 | 01 |
| 10 | AS Kigali | 00 | 00 |
| 11 | Rwamagana | 00 | 00 |
| 12 | Etincelles | -1 | 00 |
| 13 | Musanze | 00 | 00 |
| 14 | As Muhanga | -1 | 00 |
| 15 | Mukura | -1 | 00 |
| 16 | Marines | 00 | 00 |
UM– USEKE.RW
English
5 Comments
Muri abafana kurusha uko muri abanyamakuru, Rayon ndayifana ariko kuzagitwara bizagorana keretse De gaule atari muri Ferwafa. Umwa Nta kashi za leta dukoresha, nta muyobozi wo mu rwego rwo hejuru wadukekenikira nawe uti turi aba mbere!
Ururimi sha ninyama yigenga jya wivugira ubundi se mwagitwara mufite abahe bakinnyi ziriya nzavumba kweli nta mwana usya aravoma uzabibaze Wenger
tuzabas***ra
Ariko Degaulle yagorwa yagorwa….niwe ubabwira ngo mugire vatazi gukina!!!! Nimustirwa mujye mubyemera rwose…ntimukagire umuntu mwitwaza
Sha utazi imbaraga za Ferwafa ajye yibaza impamvu Ferwafa iyoborwa n’ikipe imwe mu gihe cy’imyaka 20 ishize, azongere abaze Ntagungira washyizweho mu gihe cy umwaka umwe ntamenye ko impamvu yari ashyizweho, akareka Gikundiro igatwara igikombe,nti yabizize se.
Comments are closed.