Nyuma ya Guma Guma Mc Tino azerekeza kuri Royal FM

Kasirye Martin cyangwa se Mc Tino izina rizwi mu muziki no mu kuyobora ibirori bitandukanye nka Mc, yamaze kwerekeza kuri Royal FM mu gihe byavugwaga ko ashobora kuzajya kuri Kiss FM ikoraho Austin, Isheja na Arthur bahoze bakorana kuri KFM.

Kuri uyu wa gatatu nibwo Mc Tino yagiranye amasezerano n’iyo Radio y’imikoranire ariko akazubahirizwa nyuma y’irushanwa rya Primus Guma Guma Super Star itsinda rya TBB ririmo ribarizwamo na Tino.

Avuga ko muri ayo masezerano harimo ko agomba gutangira akazi ku itariki ya 15 Kanama 2016 mu minsi itatu irushanwa rirangiye. Dore ko ibihembo by’irushanwa rya Guma Guma bizatangwa tariki ya 13 Kamena 2016.

Ubwo hasohokaga itangazo rivuga ko KFM yafunze imiryango tariki ya 30 Kamena 2016, byatangiye guhwihwiswa ko Mc Tino ashobora guhita ahabwa akazi kuri Kiss FM.

Mc Tino ku bijyanye n’irushanwa rya Primus Guma Guma Super Star arimo nk’umwe mu bagize itsinda rya TBB, ngo nta kibazo na kimwe bafite ku manota bahagazeho kugeza ubu.

Ko nk’ibisanzwe biteguye gukora igitaramo kidasanzwe kuri uyu wa gatandatu cy’iri rushanwa kizabera mu Karere ka Musanze mu Ntara y’Amajyaruguru.

https://www.youtube.com/watch?v=g_VT4RDzIaE

Joel Rutaganda

UM– USEKE.RW