Nsigaranye imyaka ibiri cyangwa itatu yo kubaho-Papa Francis

Mu kiganiro yahaye abanyamakuru mu ndege ye atashye  Papa Francis yababwiye ko asigaje imyaka itarenze itatu ubundi akitaba Imana. Yababwiye kandi ko niyumva amaze gusaza cyane azegura akigira kuruhuka. Uwo yasimbuye Papa Benedigito wa XVI nawe yeguye umwaka ushize.

Yagize ati: “Kwegura mbibona nk’ubugiraneza ku bana b’Imana. Ndashaka kugerageza kwicuza ibyaha byanjye n’amafuti yanjye kuko nzi ko ubuzima ari buto.”

Agaragara  mu maso nk’umuntu udafite igihunga cyangwa inkomanga ku mutima Papa yongeyeho ati: Mu myaka ibiri cyangwa itatu nzaba naripfiriye narisangiye Data mu ijuru.”

Uyu mushumba  mukuru wa Kiliziya Gatolika ku Isi ngo si ubwa mbere avuga ko yumva azitaba Imana vuba kuko yigeze ngo kubibwira inkoramutima ze i Vatican.

Ubu Papa Francis afite imyaka 77 y’amavuko akomoka mu gihugu cya Argentine ku mugabane w’Amerika y’epfo.

Uyu mu Papa niwe bavuga ko agaragaza gukomera mu gihagararo ndetse akaba abasha kuvuga, akagenda agaterura n’ibintu bigaragara ko biremereye kurusha abandi bose bamubanjirije.

Hari bamwe bemeza ko Papa nawe ashobora kuzegura Manda ye itarangiye  ariko hari n’abandi basanga ibi bitazaba.

Josepf Ratzinger ariwe Papa Benedicto XVI wasimbuwe na Papa Francis ubu arakibera I Vatican aho akunda gusenga no kwandika ibitabo.

Mailonline

UM– USEKE.RW