Nigeria: Boko Haram yigaruriye ikigo cy’ishuri rya Police

Abatuye muri Leta ya Borno babwiye BBC ko abarwanyi ba Boko Haram bigaruriye ishuri rya Police. Amasasu yumvikanye muri kariya gace nyuma y’uko babonye ibimodoka  bikomeye bya Boko Haram bije biherekeje amamoto ariho abarwanyi.

Umuvuguzi wa Police yemeje ko koko iki gitero cyabaye, yongeraho ko kugeza ubu batarabasha kuvugana n’abakozi bo kuri ririya shuri.

Iri shuri ryitwa The Liman Kara College rituranye n’umujyi wa Gwoza nawo wigaruriwe na Boko Haram mu ntangiriro z’uku kwezi.

Boko Haram yangije imirwano muri 2009 igamije gushinga Leta ya Kisilamu igendera ku mategeko ya Sharia.

Uyu mutwe wa Boko Haram umaze kwigarurira  uduce twinshi harimo na Leta ya Borno ifite umurwa mukuru wa Maiduguri.

Mu minsi ishize bamwe mu ngabo za Nigeria babwiye Leta ko bagiye guhagarika kurwanya Boko Haram kuko ibarusha ibikoresho bigezweho ku rugamba kandi izi agace barwaniramo kubarusha.

Boko Haram yashyizwe na USA ku rutonde rw’imitwe y’iterabwoba ihigwa nayo.

UM– USEKE.RW