Mukura 0 – 0 Rayon, Imikino ibaye irindwi nta ntsinzi itaha Nyanza

CHIEF EDITOR
01/11/2015

11 Mutarama 2015 – Ku munsi wa 13 wa shampionat ari nawo wasozaga agace ka mbere ka shampionat (phase aller) warangiye ikipe ya Mukura inganyije na Rayon Sports, iyi kipe y’i Nyanza ikaba yakomeje ibihe bibi kuko imaze iminsi irindwi ya shampionat idatsinda.

Hagati mu kibuga Rayon Sports na Mukura wari umukino uryoheye ijisho

Muri uyu mukino wari witezwe kurusha indi uyu munsi, Mukura yari yakiriye ariko kuri Stade Amahoro, yatangiye igaragaza ko itifuza gutsindwa nk’uko umutoza wayo Okoko Godfrey kuva yayifata ubu ataratsindwa mu mukino ine iheruka.

Rutahizamu Akim Zaki, Cyiza Mugabo Hussein na Muhajiri Hakizimana ba Mukura babonye uburyo bubiri bwiza cyane bwo gutsinda mu gice cya mbere ariko ntibabubyaza umusaruro.

Mu gice cya mbere umukino wari uryoheye ijisho, ufunguye ku mpande zombi, abazamu b’amakipe yombi bafite akazi. Mukura niyo yahabonye uburyo bwo gutsinda kurusha Rayon ariko iki gice kirangira ari ubusa ku busa.

Igice cya kabiri Rayon Sports yaje nayo igaragaza ubushake bwo gutera mu izamu ariko abakinnyi nka Sina Jerome, Fuad Ndayisenga na Lomami Frank wagiyemo asimbuye Peter Otema ntihagira ubasha kureba mu izamu rya Mukura kugeza umukino urangiye.

Ibi byatumye Rayon Sports iguma ku mwanya wa kane aho irushwa na APR FC ya mbere amanota 11. Umutoza Andia Mfutila kuva yafata Rayon Sports akaba nta mukino n’umwe arabasha gutsinda.

Uyu munsi wahiriye ikipe ya Police FC yatsinze Espoir FC ibitego bine kuri kimwe, Amagaju nayo atsinda Etincelles kimwe ku busa.

Indi mikino yabaye none:

Police 4-1 Espoir (Kicukiro)

Amagaju 1-0 Etincelles (Nyamagabe)

Isonga 0-0 Musanze (Ferwafa)

Urutonde rw’Agateganyo rwa ‘Phase Aller’:

N^O	TEAM	PG	W	D	L	GF	GA	GD	PTS
1	APR	13	10	02	01	24	06	18	32
2	AS KIGALI	13	08	03	02	19	06	13	27
3	POLICE	13	06	06	01	17	07	10	24
4	RAYON S	13	05	06	02	19	11	08	21
5	AMAGAJU	13	07	04	04	11	10	01	19
6	MARINES	13	04	05	04	09	10	-1	17
7	GICUMBI	13	04	05	04	07	08	-1	17
8	SUN RISE	13	03	07	03	12	11	01	16
9	SC KIYOVU	13	04	04	04	12	21	-9	16
10	ESPOIR	13	04	03	06	06	10	-4	15
11	MUKURA VS	13	04	05	05	09	13	-4	14
12	MUSANZE	13	02	05	06	04	08	-4	11
13	ETINCELLES	13	01	05	07	08	18	-10	08
14	ISONGA	13	00	05	08	06	25	-19	04

Rayon Sports n'umutoza wayo Andia Mfutila waje kwifotozanya n'abakinnyi — Rayon Sports n’umutoza wayo Andia Mfutila waje kwifotozanya n’abakinnyi

Mukura yari yakiriye Rayon ziva mu Ntara imwe y'Amajyepfo — Mukura yari yakiriye Rayon ziva mu Ntara imwe y’Amajyepfo

Okoko Godfrey n'abo bafatanya, iburyo bwe hari Fils Muvunyi (wahoze ari Kapiteni wa Mukura), ibumoso Canisius Nshimiyimana wabaye myugariro wa Mukura — Okoko Godfrey n’abo bafatanya, iburyo bwe hari Fils Muvunyi (wahoze ari Kapiteni wa Mukura), ibumoso Canisius Nshimiyimana wabaye myugariro wa Mukura

Andia Mfutila nawe hagati y'abamwungirije Habimana Sosthene (iburyo) na Thierry Hitimana n'umutoza w'abazamu Masope wahoze atoza aba Mukura — Andia Mfutila nawe hagati y’abamwungirije Habimana Sosthene (iburyo) na Thierry Hitimana n’umutoza w’abazamu Masope wahoze atoza aba Mukura

Kapiteni w'ikipe ya Mukura ku mupira hagati mu kibuga — Kapiteni w’ikipe ya Mukura ku mupira hagati mu kibuga

Abafana ba Rayon bicara ahitwa mu Ruhango bahora kuri morale uko biba byifashe kose

Uyu mukino w'ibigugu byo mu majyepfo ntabwo wari witabiriwe nk'uko byahoze, — Uyu mukino w’ibigugu byo mu majyepfo ntabwo wari witabiriwe nk’uko byahoze,

Mu gice cya kabiri, Fuad Ndayisenga amena amazi mu izamu rya Mukura ngo arebe ko riza gufunguka

Inyuma ya Stade Amahoro ku kibuga cya FERWAFA Isonga FC na Musanze FC nazo zaguye miswi 0 - 0 — Inyuma ya Stade Amahoro ku kibuga cya FERWAFA Isonga FC na Musanze FC nazo zaguye miswi 0 – 0

Muri stade ibintu byari byakomeje kuyoberana ubwo byari ubusa ku busa umukino ugana umusozo

Fuad Ndayisenga aragerageza uko ashoboye

Abasore ba Mukura bakinaga babura ba myugariro bane babanza mu kibuga bihagazeho ndetse bakina neza cyane

Celestin Ndayishimiye akina ibumoso inyuma muri Mukura ashyiditse na Karim Nizigiyimana inyuma ye

Fuad Ndayisenga mu minota ya nyuma yagerageje ariko biranga

Umukino urangiye Andia Mfutila yaramukanyije na Okoko Godfrey bombi bakomoka muri Congo Kinshasa, ku ruhande Fils Muvunyi nawe aje kuramutsa Mfutila

Photos/JP Nkurunziza/UM– USEKE

Jean Paul NKURUNZIZA
UM– USEKE.RW

Share this: