Monique Mukaruliza niwe utorewe kuyobora Umujyi wa Kigali

Vénuste Kamanzi
02/29/2016

Mukaruliza hamwe n’abandi bagore bari muri aya matora kuri uyu wa mbere

Nyamirambo – Monique Mukaruliza wabaye Minisitiri ushinzwe ibikorwa by’umuryango wa Afurika y’Iburasirazuba, kuri uyu wa mbere yatorewe kuyobora Umujyi wa Kigali n’amajwi 182 ku bantu 200 batoraga.

Abayobozi batandukanye n'abagize Inama Njyanama mu turere tugize Umujyi bari baje gutora — Abayobozi batandukanye n’abagize Inama Njyanama mu turere tugize Umujyi bari baje gutora

Mbere yo gutora, Dr Theobald Hategekimana, umuyobozi wa CHUK nawe wiyamamarizaga uyu mwanya yakuyemo candidature ye, maze asaba abari bamushyigikiye gutora Monique Mukaruliza.

Monique Mukaruliza yasigaye yahanganye na Madame Regine Mukeshimana wagize amajwi umunani (8). Bityo Mukaruliza atorerwa kuba umuyobozi wa karindwi w’Umujyi wa Kigali nyuma ya 1994.

Mukaruliza yize iby’icungamutungo n’amabanki, akaba yarakoze nka Komiseri mu kigo cy’igihugu cy’imisoro n’amahoro.

Umuyobozi w’Umujyi wungirije ushinzwe ubukungu yabaye Parfait BUSABIZWA wari umukandida rukumbi kuri uyu mwanya, akaba yabonye amajwi 188 mu bantu 190 batoye. Busabizwa kugeza mu 2013 akaba yari Umunyamabanga mukuru wa Comite National Olympique mu Rwanda.

Umuyobozi wungirije w’Umujyi wa Kigali ushinzwe Imibereho myiza y’Abaturage utowe ni Judith KAZAYIRE wagize amajwi 179, atsinze Mediateur Mpunga ugize amajwi 10 gusa. Kazayire akaba yarakoze imirimo itandukanye muri Primature, Komiseri muri Komisiyo y’igihugu y’Amatora, Komiseri mu Kigo cy’Igihugu gishinzwe umutungo kamere (RNRA) no muri MIGEPROF nk’umujyanama wa Minisitiri.

Abatorewe kuyobora inama njyanama

Perezida yabaye Me Rutabingwa Athanase, Visi-Perezida aba Gasana Ismaël Janvier, naho Umunyamabanga aba Gafaranga Brigitte.

Abayoboye Umujyi wa Kigali mu myaka 20 ishize:

*1996- 1997: Lt Col. (yari Majoro) Rosa Kabuye
*1997-1999: MUSONI Protais
*1999-2001: KABANDA Mariko
*2001-2006: MUTSINDASHYAKA Theoneste
*2006-2011: KIRABO Aissa KACYIRA
*2011-2016: NDAYISABA Fidele
*2016- … : Mukaruliza Monique

Aba baje gutora bambaye umuderi umwe baje kwamamaza umukandida wabo

Mukariliza wiyamamazaga yari mu biceye imbere

Mukaruliza hamwe n'abandi bagore bari muri aya matora kuri uyu wa mbere — Mukaruliza hamwe n’abandi bagore bari muri aya matora kuri uyu wa mbere

Me Rutabingwa Athanase watorewe kuba Perezida w'Inama Njyanama — Me Rutabingwa Athanase watorewe kuba Perezida w’Inama Njyanama

Hagati hicaye Stephen Rwamurangwa, Umuyobozi w'Akarere ka Gasabo — Hagati hicaye Stephen Rwamurangwa, Umuyobozi w’Akarere ka Gasabo

Languide Nyirabahire (hagati) Vice Mayor wa Gasabo ushinzwe imibereho myiza y'abaturage — Languide Nyirabahire (hagati) Vice Mayor wa Gasabo ushinzwe imibereho myiza y’abaturage

Mayor wa Kicukiro Dr Jeanne Nyirahabimana (ibumoso) na Vice Mayor ushinzwe ubukungu Angelique Mukunde

Fidel Ndayisaba wari umuyobozi w'Umujyi wa Kigali yari yaje muri aya matora — Fidel Ndayisaba wari umuyobozi w’Umujyi wa Kigali yari yaje muri aya matora

Mukarurliza yatsinze uwo bari bahanganye amurushije cyane

Vice Mayor nawe yatsinze uwo bahanganye amurushije cyane

Vice Mayor Judith Kazayire arahirira imirimo ye mishya

Monique Mukaruliza arahirira imirimo mishya atorewe kuri manda y'imyaka itanu — Monique Mukaruliza arahirira imirimo mishya atorewe kuri manda y’imyaka itanu

Abayobozi bashya b'Umujyi wa Kigali — Abayobozi bashya b’Umujyi wa Kigali

Indahiro zabo zakiriwe na Minisitiri Francis Kaboneka wari kumwe na Perezida wa Komisiyo y'igihugu y'amatora Prof Kambanda — Indahiro zabo zakiriwe na Minisitiri Francis Kaboneka wari kumwe na Perezida wa Komisiyo y’igihugu y’amatora Prof Kambanda

Umucamanza wakiriye indahiro z'aba bayobozi yavuze ko batifuza ko bazongera kubagaruka imbere babazwa inshingano zabo batujuje kuko ngo aho hantu (mu rukiko) nta uhifuza. — Perezida w’urukiko rukuru Charles Kariwabo wakiriye indahiro z’aba bayobozi bashya yababwiye ko batifuza ko bazongera kubabona imbere yabo hari ibindi babazwa kuko ngo aho hantu (mu rukiko) nta uhifuza.

Photos/C. Nduwayo/Umuseke

Callixte NDUWAYO
UM– USEKE.RW

12 Comments

Karenzi says:
02/29/2016 at 14:19

Congratulations bagore mwe!
Nuko nuko turabashyigikiye rwose…
HE azabahe na Minisiteri y’Intebe dore iheruka Agatha mu myaka 21 yose ishize

Murashoboye
- Bucyana says:
  02/29/2016 at 23:11
  
  Nibyo rwose hanyuma muri 2017 Mushikiwabo azatuyobore kandi ndabona ashoboye bityo tuve muri banana republic ejo batazatwitiranya na Nkurunziza dore burya bose bashobora kubifata kimwe.

GASAGURE says:
02/29/2016 at 15:25

Congs to Phocas M– USEMAKWELI. Imana ikujye imbere mu mirimo mutorewe.

uwera alice says:
02/29/2016 at 15:57

Abanyamakuru namwe murakabya iyo mufotora umuntu gutya. Mukaruriza azajya anyura hehe koko?

kine says:
02/29/2016 at 16:26

ko mbona uwakuyemo candidature yari yatsinze

G says:
02/29/2016 at 16:32

Nsubize KARENZI: Wibwira se ko Cyanzayire atayishobora (primature)

Karongi says:
02/29/2016 at 16:46

Judith Kazayire, congs Kabisa kandi Imana izabane namwe .

@kigali says:
02/29/2016 at 18:38

Haryaburiya baratorwa cyangwa bashyirwaho nonese niyihe mpamvu tumenya abazajyaho mbere yogutora

Fatima says:
02/29/2016 at 18:59

Uyu mucamanza icyo yari ashinzwe ni ukwakira indahiro gusa byinyine…Ibyo kubwira abayobozi tumaze gutora ko atifuza kuzongera kubabona imbere ye ntabwo biri mu nshingano ze !. http://www.gushyanuka.com !

Nimwe Mwariraye........ says:
02/29/2016 at 22:10

None c Bavandi .
Ko Ntamuturage Wajyanye Ibiseke Ku Nteko Asabako bagumaho?!?!
Nuko Bari Babi Abameya bose Bavuyeho???
Nuko Twikundira Uriya Mugabo Gusa Se???
Nukubera Uburyo Amategeko Akoze se???
Murakoze..
Abanyapolitike Nibamwe….

Magayane says:
03/01/2016 at 08:31

Utarimuri FPR, ntiwatorwa/ uhabwakazi!!!!!!!!!!!

ndera says:
03/01/2016 at 08:38

hose/muribyose ubiriganya

Comments are closed.

Share this:

12 Comments