Minisitiri Kanimba mu rugendo rwo kuzamura inganda ziciriritse muri Gakenke
Kanimba yasabye abazakorera mu gakiriro katashywe kutazapfusha ubusa ayo mahirwe
Minisitiri w’Ubucuruzi, Inganda n’Umuryango wa Africa y’Iburasirazuba, Francois Kanimba yasuye abikorera bo mu Karere ka Gakenye mu Ntara y’Amajyaruguru ari kumwe na bamwe mu bafite inganda mu Rwanda.
Uru rugendo rwari mu rwego rw’ubufatanye mu kuzamura inganda ziciriritse, akaba mu bari kumwe harimo Sosiyete ikora imyenda yitwa C&H ikorera mu gace kagenewe inganda i Masoro (free economic zone).
Uyu mushoramari yijeje koperative ikora ubudozi ubufatanye, no gusangira ubunararibonye mu budozi bw’imyenda bakaba babemereye inkunga harimo no kuzakorana na bo mu rwego rwo kubigisha.
Minisitiri Kanimba yasabye ko Ikigega gifasha kubona ingwate ku mishanga iciriritse y’urubyiruko n’iy’abagore, (BDF) gifasha mu gutera inkunga aba barwiyemezamirimo kujyira ngo babashe kubona amafaranga yo kugura ibikoresho, nk’imwe mu mbogamizi bagamuragarije.
Evode MUGUNGA
UM– USEKE.RW
English