M. Yohana, Muyango, Munyanshoza, Nyiranyamibwa na Kayirebwa bataramye mu kwibuka
Nyiranyamibwa na Muyango bataramye
Kigali – Mu ijoro ryo kuwa 08 Mata 2016, mu ndirimbo nyinshi zaririmbwe nyuma gato ya Jenoside kugeza ubu aba bahanzi bakoze igitaramo cyo kwibuka cyateguwe na Dieudonne Munyanshoza na Mariya Yohanna bise “Ntacyambuza Kubibuka”.
Iki gitaramo kitabiriwe n’abantu benshi barimo n’abayobozi ku nzego nkuru nka Minisitiri w’Umuco na Siporo, Minisitiri wo gucyura impunzi no gukumira ibiza, Minisitiri muri Primature Stella Mugabo, Minisitiri Valentine Rugwabiza ushinzwe ibya EAC ndetse na Minique Nsanzabaganwa Visi Guverineri wa Banki nkuru y’igihugu.
Uyu mugoroba waranzwe n’indirimbo zo hambere mu kwibuka Jenoside yakorewe Abatutsi zaririmbwe na Suzanne Nyiranyamibwa wibukwa cyane mu ndirimbo nka; Nyumva Mana na IBUKA, Muyango, Intore Masamba, Cecile Kayirebwa, Mariya Yohanna, Dieudonne Munyanshoza bita Mibirizi.
Uyu mugoroba kandi ubaye ku nshuro ya kabiri uteguwe na Mibirizi wakusanyirijwemo inkunga yo gufasha umwe mu barokotse Jenoside batishoboye igera ku mafaranga arenga ibihumbi Magana atatu. Kwinjira kandi byari ukugura CD z’indirimbo zo kwibuka nabyo azavamo akazakoreshwa mu gikorwa nk’iki.
Photos/Evode MUGUNGA/Umuseke
UM– USEKE.RW
English