King James agiye gushyira hanze indirimbo ye na Kevin Lyttle yakozwe muri 2013

Wumvise izina Kevin Lyttle wibuka indirimbo ‘Turn Me On’ imwe mu ndirimbo yakunzwe cyane yaba muri Afurika ndetse no muri Amerika muri 2004. Uwo muhanzi yamaze kwemeranya na King James ko indirimbo bakoranye yajya hanze.

Lescott Kevin Lyttle Coombs, ni umuhanzi w’Umunyamerika. Yavutse tariki ya 17 Nzeri 1976. Ubu ni umwe mu bahanzi bafite amazu atunganya umuziki ‘Studios’ mu mijyi itandukanye muri Leta Zunze Ubumwe z’Amerika.

Ubwo yazaga mu Rwanda muri 2013 aje mu gikorwa cyo ‘kwita izina’, nibwo yahuriyemo na King James bityo bemeranya gukorana indirimbo.

Yaje gukorwa na Producer Pastor P ariko Kevin Lyttle asubira muri Amerika hari ibirarangira ngo ibe yanakorerwa amashusho ‘Videos’.

Muri 2014, mu rutonde yashyize hanze rw’abahanzi bakoranye indirimbo bagomba kwitegura gukora amashusho yazo barimo Shaggy, Flo Rida, Yaga y Mackie & Mr Phillips, na King James yari aruriho.

Kuri ubu iyo ndirimbo bise ‘The Girl is mine’ nyuma yaho King James ayoherereje Kevin Lyttle agashyiramo ibyo atari yakaririmbyemo, igiye kujya hanze.

Bidatinze King James ashobora kwerekeza muri Leta Zunze Ubumwe z’Amerika kujya mu gikorwa cyo gufatira iyo ndirimbo amashusho.

Akazaba abaye umuhanzi w’umunyarwanda wa gatatu ukoranye indirimbo n’umunyamerika. Nyuma ya Tom Close wakoranye na Sean Kingston, Alpha Rwirangira wakoranye na LaMyia.

Joel Rutaganda

UM– USEKE.RW