Kagame yasuye agakinjiro ka Gisozi, ashimira abishyize hamwe

CHIEF EDITOR
08/12/2015

Ku Gisozi ahitwa mu Gakinjiro mu myaka itanu ishize aha hari icyaro kigaragara

Perezida Paul Kagame ku gicamunsi cyo kuri uyu wa kabiri yasuye agace gakunze kwitwa Agakinjiro gaherereye ku Gisozi mu karere ka Gasabo. Aha huzuye amazu y’amagorofa y’ubucuruzi mu gihe gito yubatswe ahanini n’amakoperative ane y’abacuruzi bahoze bakorera mu kajagari ku Muhima hafi ya Gereza ya Kigali. Paul Kagame yabashimiye kwishyirahamwe n’umusaruro biri gutanga.

Perezida Kagame yavuze ko ibikorwa by’amakoperative ari ibintu ahora aganira ko ariyo nzira nziza yo kubaka kuko iyo abantu bafatanya ibyo bageraho bigaragarira buri wese.

Ati “Ibyo abantu bafatanyije bakora byanze bikunze bisumba ibyo umuntu ku giti cye akora. Ibi aba bakoze bibere buri wese urugero ko byose bishoboka.”

Perezida Kagame avuga ko ibyo aba bacuruzi b’ingeri zitandukanye (abato, abaciriritse n’abanini) bakoze ku Gisozi bigaragaza ko imyumvire yo kwishyira hamwe imaze kwinjira muri benshi igisigaye ari ukunoza ibyo bakora n’imikoranire.

Aka gace kateye imbere vuba kubera inyubako z’ubucuruzi zigezweho z’amakoperative ane ndetse n’umuhanda wa kaburimbo wahise wubakwa.

Izo ni Koperative DUHAHIRANE igizwe n’abari abacuruzi bato 321 yujuje igorofa ya miliyari ebyiri irimo imyanya 321 yakorerwamo ubucuruzi, ndetse ubu ikorerwamo kugera kuri 95%.

Indi ni Koperative ADARWA y’abanyamuryango 157 yubatse igorofa ya ‘niveaux’ eshatu ifite agaciro ka miliyari 1,8 ubu nayo ibyumba byayo 147 bifite ababikoreramo ku kigero cya 70%.

Indi ni iyitwa COPCOM yujuje inzu nini aha ifite agaciro ka miliyari 3,5 n’ibyumba 423 byo gukoreramo. Hamwe na SOPROGI y’abacuruzi 13 yujuje igorofa y’amazu ane y’agaciro ka miliyari 6.

Perezida Kagame yongeye kwibutsa aba bacuruzi ko ntawukwiye gukwepa imisoro ndetse bakwiye kwihutira kumenyekanisha imisoro ndetse ngo n’uwagira ikibazo akamenya ko kiganirwaho kigashakirwa umuti ariko cyamenyekanishijwe.

Ati “Mu bucuruzi ikintu kitwa igihe kirahenda cyane. Kijyana n’intambwe umuntu agendaho. Abantu bajya batunenga ngo turihuta cyane, cyangwa turashaka kwihuta cyane, ibyo muzabyemere bajye batubinengera kuko birimo ibisubizo.”

Avuga ko kwihuta bituma umuntu adatakaza igihe, ikibi ngo ni ukwihuta wangiza cyangwa usiga inyuma abo ugomba kujyana nabo.

Inzu y'ubucuruzi ya Koperative ADARWA yuzuye mu gihe gito gishize — Inzu y’ubucuruzi ya Koperative ADARWA yuzuye mu gihe gito gishize

Indi nyubako y'ubucuruzi yuzuye ku Gisozi — Indi nyubako y’ubucuruzi yuzuye ku Gisozi

Umukindo Center inyubako igezweho y'ubucuruzi yatangiye gukorerwamo aha ku Gisozi — Umukindo Center inyubako igezweho y’ubucuruzi yatangiye gukorerwamo aha ku Gisozi

Ni inyubako igezweho y'ibyumba birenga 100 by'ubucuruzi — Ni inyubako igezweho y’ibyumba birenga 100 by’ubucuruzi

Kimwe mu byumba by'ubucuruzi biri muri iyi nyubako — Kimwe mu byumba by’ubucuruzi biri muri iyi nyubako

Minisitiri Kaboneka w'ubutegetsi bw'igihugu na Musoni w'ibikorwa remezo baganira mbere gato y'uko Perezida Kagame agera aha ku Gisozi — Minisitiri Kaboneka w’ubutegetsi bw’igihugu na Musoni w’ibikorwa remezo baganira mbere gato y’uko Perezida Kagame agera aha ku Gisozi

Perezida Kagame asobanurirwa iby'izi nyubako n'umukuru w'imwe muri Koperative y'abacururiza aha — Perezida Kagame asobanurirwa iby’izi nyubako n’umukuru w’imwe muri Koperative y’abacururiza aha

Perezida Kagame yitegereza zimwe mu nyubako zuzuye aha

Arareba uburyo aha hantu hahindutse mu gihe gito kubera kwishyirahamwe kw'abacuruzi bari za Nyabugogo no mu mujyi — Arareba uburyo aha hantu hahindutse mu gihe gito kubera kwishyirahamwe kw’abacuruzi bari za Nyabugogo no mu mujyi

Bamwe mu bacuruzi bari baje kwakira no kuganira na Perezida Kagame

Perezida araganira na Minisitiri w'ubucuruzi n'inganda Francois Kanimba — Perezida araganira na Minisitiri w’ubucuruzi n’inganda Francois Kanimba

Perezida Kagame aganira n'abacuruzi — Perezida Kagame aganira n’abacuruzi

Abacuruzi b'aha mu gakinjiro bakurikiye Perezida Kagame — Abacuruzi b’aha mu gakinjiro bakurikiye Perezida Kagame

Yababwiye ko nta kiza nko kwishyira hamwe ko umusaruro ari nk'uyu bareba nabo — Yababwiye ko nta kiza nko kwishyira hamwe ko umusaruro ari nk’uyu bareba nabo

Iyi na yo yuzuye hashize iminsi yanatangiye gukorerwamo

Photos/D S Rubangura/UM– USEKE

Daddy SADIKI RUBANGURA
UM– USEKE.RW

10 Comments

muti says:
08/12/2015 at 14:41

mbakundira amafoto mugira meza gusa, mukomereze aho.
erega amafoto aravuga iyo ari meza
- Ntimba says:
  08/12/2015 at 18:47
  
  Meza bamaze kwirukana amamotari abanyonzi nakakaraningufu, mayibobo nabandi bose bashobora kugaragara nabi kwifoto bose bagakumirwa mu mujyi basanze babamo amasaha 24/24.

kiki says:
08/12/2015 at 15:00

Na ninyoni itamba!!?
- Mahoro says:
  08/12/2015 at 21:35
  
  Yahatamba ite se HE yahasuye?

bayigamba says:
08/12/2015 at 16:05

Abishyizehwe ntakibananira! nibyigaciro guhuza imbaraga bakishakamo ibisubizo byubaka igihugu niterambere ryacyo.

jo says:
08/12/2015 at 17:41

kep it up we are proud of you guys

Maya says:
08/12/2015 at 20:50

Mana we ni heza
Yohhh
Mbega byiza biri iwacu
Rwanda nziza!!!

U.Nadine says:
08/13/2015 at 07:23

Seriously Nkunda amafoto mutwereka aba yafotowe na Camera iri Proffesional nkakunda na Comments mugenda mwongeraho.Ntimuzacogore turabishima pe.Naho kubijaynye na HE wacu Imana ikomeze imwongerere Imbaraga n ubwenge ibi tugezeho n imbaraga ze n ubwitange muri bynshi adahwema kugaragariza abanyarwanda.

Murenzi says:
08/13/2015 at 07:46

izi nzu zigezweho z’ubucuruzi zirerekana ko ubucuruzi mu Rwanda bwakataje kandi ibi byose bitwe n’ubuyobozi bwiza burangajwe imbere na Paul Kagame

cyasemakamba says:
08/13/2015 at 16:56

Mureke byo dukataze mw’iterambere kuko ibigerwahp byose n’impanuro n’ubuhanga bya H.E

Comments are closed.

Share this:

10 Comments