Jacques Tuyisenge yageze i Nairobi ahita yerekanwa muri Gor Mahia

Jacques Tuyisenge ni rimwe mu mazina y’abakinnyi 11 bashya ikipe ya Gor Mahia yatangaje, ni mu gihe batangazaga abakinnyi 23 bazakoresha muri uyu mwaka wa shampiyona no mu mikino mpuzamahanga bafite imbere, azajya yambara nimero icyenda. Yahise yerekanwa nk’umukinnyi mushya w’iyi kipe.

Jacques Tuyisenge wari kapiteni w’ikipe ya Police FC, yaguzwe na Gor Mahia, imutanzeho ibihumbi 40 by’amadolari ya Amerika ($ 40,000), hari mbere gato ya CHAN 2016.

Abakinnyi 11 bashya ni bo bazagaragara muri Gor Mahia y’uyu mwaka, barabisikana na batanu basohotse muri iyi kipe, nka: Michael Olunga werekeje muri Sweden, Meddie Kagere (urimo gukora imyitozo muri APR FC), Simon Pierre, David Juma na Timithy Otineo.

Imikino ya shampiyona y’icyiciro cya mbere muri Kenya mu mwaka w’imikino wa 2016, izatangira mu byumweru bibiri biri imbere, ndetse iyi kipe ikaba izakina Orange CAF Champions League, aho bazahura n’ikipe yo muri Madagascar mu ijonjora ribanza.

Abakinnyi 28 Gor Mahia izifashisha muri 2016 bahawe nimero:

Abazamu: Fredrick Onyango (1), Bonface Oluoch (23), Gradus Ochieng (12), Sammy Okinda (16).

Abakina inyuma: Musa Mohammed (5), Harun Shakava (18), Abouba Sibomana (3), Karim Nizigiyimana (14), Bernard Odhiambo (15), Jackson Saleh (22), Luke Ochieng (26).

Abakina hagati: Coliins Okoth (6), Eric Ochieng ()17, Khalid Aucho ()10, Ronald Omino (7), Ali Abondo (30), Innocent Wafula (29), Godfrey Walusimbi (2), Eric Ouma (21), Amos Nondi (), Edmond Murai (28), Francis Kahata (8), James Ogada (4), Ernest Wendo (20).

Ba rutahizamu: Jacob Keli (27), George Odhiambo (25), Enock Agwanda (24), Jacques Tuyisenge (9).

Roben NGABO
UM– USEKE.RW