Brussels Airlines igiye kongera ingendo ziva Kigali

Vénuste Kamanzi
12/23/2015

Ikibuga cy’indege cya Kigali

Ikompanyi y’Ababiligi itwara abantu mu ndege yatangaje ko guhera muri Mata 2016, izongera ingendo z’indege ziva Kigali zerekeza mu Bubiligi zikaba esheshatu.

Mu rwego rwo kwagura ibikorwa byayo hagamijwe gushing imizi ku mugabane wa Afurika urimo gukura cyane mu bukungu, Brussels Airlines igiye kugura indi ndege ya cyenda yo mu bwoko bwa Airbus A330, yiyongera ku zindi 8 ikoresha mu ngendo zihuza Uburayi na Afurika.

Nk’uko bigaragara mu itangazo yasoye, ngo bizayifasha kongera ingendo ikora mu Rwanda zigere kuri 6 ku cyumweru, muri Uganda zigere kuri 4; Ndetse ikaba iteganya no gutangira ingendo nshya zihuza Uburayi n’ibihugu bya Gabon na Nigeria.

Ububiligi ni kimwe mu bihugu ku Isi bibamo Abanyarwanda banshi dore ko babarirwa hejuru y’ibihumbi 50, ingendo z’Ikompanyi Brussels Airlines zibahuza n’imiryango yabo; Uretse ko ku kibuga cy’indege cya Kanombe hananyura Abanye-Congo benshi bava cyangwa bajya mu Bubiligi, no mu bindi bihugu by’Uburayi.

UM– USEKE.RW

11 Comments

mimi says:
12/23/2015 at 11:15

Ubwo se ntirimo gutwara isoko rya Rwanda Air? Kuki ahubwo u Rwanda rutongera ingendo za Rwanda Air kuva Kigali kugeza Bruxelles?
- SANGO says:
  12/23/2015 at 13:13
  
  Wenda byaba biterwa n’ ubushobozi buke
  - christie says:
    12/23/2015 at 14:15
    
    brussels airlines ifite destinations nyinshi kurenza Rwandair hari igihe Rwandair izagera ku rwego rwayo ariko ntago yasimbuka…one step at a time. Bisobanuye ko u Rwanda rusigaye ari nyabagendwa cyane… kongera ingendo.
- Kumiro says:
  12/23/2015 at 15:45
  
  Ngo Rwanda air i Zaventem? mureke kuntsetsa namwe.Wenda yikoreye imizigo byo birashoboka naho abantu wapi.
  - christie says:
    12/23/2015 at 16:34
    
    A bit of positivity ntacyo itwara! Ntawamenya uko future izaba imeze. Rwandair ndayifuriza kuzatera imbere ikagera aho brussels airlines igeze ikanaharenza itwara abantu n’imizigo byose!!
  - Mim says:
    01/02/2016 at 15:46
    
    Kuba ijya Dubai buri munsi se kuki itajya i Zaventem? Nabyo bizaza and for your info uyu mwaka….

Gu says:
12/24/2015 at 16:47

Yes, RWANDAIR izagera ZAVENTEM rwose. Kumiro uzumirwa tu.

OLI NIYO says:
01/05/2016 at 01:51

KUMIRO NTIWARUZI KO RWANDAIR YAGUZE AIRBUS A330 EBYIRI ZIZABA DELIVERED MURI 2017. BADUSABYE NO KUZITA AMAZINA.IMWE NAYISE “MUHABURA ONE” ABANYARWANDA BATUYE MURI DIASPORA TURAHISHIWE.

Jerome says:
01/05/2016 at 06:29

nisawa rwose

Kiza says:
01/05/2016 at 06:31

Ndumva ako kantu ari sawa. Rwandair care yabo nisawa, ugenda winywera inyange arinako wumva umuziki nyarwanda. niyo ndenge ngendamo uretseko ihenze ugereranije nizindi.

Rukema felix says:
01/05/2016 at 09:55

Rwandair izaba ubukombe muminsi irimbere

Comments are closed.

Share this:

11 Comments