AS Kigali imaze kumvikana na Eric Nshimiyimana
Umuyobozi wa AS Kigali Felix Masengesho hari hashize amasaha agera kuri atatu ahakaniye Umuseke ko nta biganiro barimo n’umutoza Eric Nshimiyimana. Ni nawe ariko uhise ubwira umunyamakuru w’Umuseke ati “Tumaze kubona umutoza” yavugaga Eric Nshimiyimana.
Mu gitondo cyo kuri uyu wa 15 Nyakanga Umuseke wamenye ko Eric Nshimiyimana ari mu biganiro na AS Kigali ngo aze gusimbura Kasa Mbungo uherutse kujya muri Police FC. Uriya muyobozi ariko yabihakanye avuga ko nta biganiro barimo na Eric.
Kuri uyu mugoroba Umuseke wamenye ko uyu mutoza amaze gusinyihwa maze kuri Telephone yongeye kubazwa ati “Tumaze kubona umutoza. Ni Eric yasinye hejuru y’umwaka umwe.”
Abajijwe niba babizi ko mu minsi ishize uyu mutoza yari yumvikanye na Kiyovu Sports, Masengesho yasubije ko batakora ikosa ryo gusinyisha umutoza wasinye ahandi, bari babizi neza ko atasinye muri Kiyovu.
Umuyobozi w’ikipe ya Kiyovu Sports we yatangaje ko Eric Nshimiyimana yari yarumvikanye nabo by’agateganyo bari batarasinya amasezerano.
Eric ngo yaba kandi yaraciwe intege n’abamubwiragako nta kiza azabonera muri Kiyovu Sports bityo bituma afata umwanzuro wo kujya muri AS Kigali.
Eric Nshimiyimana yahoze ari umutoza wa AS Kigali aza gusimburwa na Kasa Mbungo.
Jean Paul NKURUZIZA
ububiko.umusekehost.com
English
0 Comment
Ibyo eric yakoze nibyo kuko ntiyari akiri umutoza wo gutoza ikipe populaire nka Kiyovu ahubwo ni umutoza wa as kigali nk’uko yabihisemo. Ni aha Kiyovu gushaka umutoza n’umuterankunga kuko ntibyoroshye ari ko gushaka niko gushobora.
Comments are closed.