APR 3 – 1 Kiyovu. Imituku 3 ku mukino w’igikombe cy’Amahoro
Mu mukino ubanza wa ½ cy’igikombe cy’amahoro wabereye kuri stade ya Kigali i Nyamirambo kuri uyu wa 11 Kamena, ikipe ya APR FC yatsinze ikipe ya Kiyovu Sport umukino ibitego 3-1. Kuri uyu mukino hatanzwe amakarira atatu arukura.
Watangiranye ishyaka ku makipe yombi buri ruhande rushaka gutsinda kare, APR FC niyo yabanje gufungura amazamu ku munota wa gatanu w’igice cya mabere ku mupira wahinduwe neza ku ruhande rw’iburyo na Tibingana Charles maze Ndahinduka Micheal bita Bugesera atsinda neza n’umutwe. Igice cya mbere kirangira gutyo.
Igice cya kabiri kigitangira APR FC yakomeje kotsa igitutu Kiyovu Sport, ku mupira mwiza wari uhinduwe neza ku ruhande rw’ibumoso usanga umukinnyi Sibomana Patrick bita Papy ahagaze neza atsinda igiteko kiza ku ishoti yateye abanje gufungisha umupira igituza.
Papy yari yinjiye mu gice cya kabiri asimbuye J.Claude Iranzi wari wagize imvune.
Kiyovu ntiyigeze icika intege yakomeje gusatira nayo maze rutahizamu wayo Laudit Mavugo aza kuzamukana neza umupira myugariro wa APR Nshutinamagara Ismael aramugusha umusifuzi ahita atanga ‘Coup franc’ yatewe neza na Niyonshuti Gad atsinda igitego cyiza.
Bidatinze ariko ikipe ya APR FC yahise ibona igitego cya gatatu, ku mupira wari uvuye muri Corner usanga Mugiraneza Jean Baptiste ahagaze neza atsinda n’umutwe.
Umusifuzi Louis Hakizimana wayoboye uyu mukino yatanze amakarita menshi kubera abakinnyi basaga n’abashyushye mu mitwe ku mpande zombi.
Muri Kiyovu myugariro Mukamba niwe wabanje kubona ikarita itukura nyuma yo guserebeka nabi umukinnyi wa APR FC ahita ahabwa ikarita ya kabiri y’umuhundo.
Nyuma gato Hussein ukina hagati muri Kiyovusport nawe yaje kwihesha ikarita itukura nyuma yo kureka umupira abishaka agakandagira ku buryo bugaragara umukinnyi Sibomana Patrick wa APRFC.
Ku ruhande rwa APR FC myugariro wayo Emery Bayisenge yaje guhabwa ikarita itukura nyuma yo kugusha nabi rutahizamu wa Kiyovu Ali Musa Sauva, haniyongeraho Nshutinamagara wabonye ikarita y’umuhondo ya kabiri muri iri rushanwa bivuze ko atazakina nawe umukino wo kwishyura.
Umutoza w’agatenyo mu ikipe ya Kiyovu Sport Ashraf Kadubiri yavuze ko habayeho amakosa y’umukinnyi ku mukinnyi (individualité) abona aricyo Kiyovu yizize ahanini ngo urebye amakarita abakinnyi be bihesheje.
Kadubiri ati “Ariko nizeye ko tuzitegura neza umukino wo kwishyura tukabasha gusezerera ikipe ya APR FC”
Ku ruhande rw’umutoza Vincent Mashami yavuze ko akinnye umukino ukomeye kandi agiye kurushaho kwitegura neza uwo kwishyura.
Undi mukino wa 1/2 mu gikombe cy’amahoro wari wahuje ikipe ya Police FC na SEC Academy yo mu cyiciro cya kabiri, Police FC ibifashijwe na Sina Jerome,watsinze ibitego bitatu na Amani watsinze kimwe birangira Police itsinze SEC Accademy 4-1.
Jean Paul NKURUNZIZA
ububiko.umusekehost.com
0 Comment
uyu arbitre bamuhe igikombe ndumva nawe uyu mwaka aciye agahigo tu?
iki gikombe apr niharire polisi undi bizasohokane Gikundiro twisigarire ku rugo kuko twarinjiwe
APR nituvunikire ahubwo itware n’iki gikombe ubundi Gikundiro isohoke na yo
Comments are closed.