Kiyovu IRAMANUTSE!!! AbaRayon ‘bayishyinguye’ ku Mumena
Ni inkuru y’incamugongo ku bakunzi bayo by’umwihariko n’abakunzi b’umupira w’amaguru muri rusange kuba ikipe ya Kiyovu Sports, imwe mu makipe makuru mu Rwanda ubu itagishoboye gukina mu kiciro cya mbere. Mukeba wa kera Rayon Sports niwe ushimangiye ubushobozi bucye bwayo ayitsinda ibitego bibiri kuri kimwe imanuka ityo mu kiciro cya kabiri.
Kuri Stade de l’Amitie ku Mumena ari nacyo kibuga kitwa icyayo, imbere y’abafana bayo niho ikoreye aya mateka mabi kuri yo.
Mbere gato y’uko umukino urangira, bamwe mu bafana ba Rayon barize cyane baraboroga (babyigirisha) abari muri stade bibaza ibyo ari byo. Ngo bariho bayiririra.
Umukino urangiye aba bafana ba Rayon Sports bakoze icyo bise kwihimura ku itangazo ngo Kiyovu yatanze kuri Radio Rwanda mu myaka ya za 1980 ko ‘Rayon Sports yitabye Imana’ ndetse bikamenyeshwa inshuti nka Mukura n’izindi…
Uyu munsi bo bacukuye ahantu hato kuri Stade Mumena bashyiramo isanduku n’umusaraba bavuga ko bahambye Kiyovu yigeze kubabika ko bapfuye (Rayon) kandi ari bazima.
Mu mikino 30 y’uyu mwaka w’umupira warangijwe none, Kiyovu yayihuyemo n’akaga kuko yatsinzwemo 15 inganya imikino icyenda ibasha gutsinda itandatu gusa.
Kiyovu yanyuzemo ibihangange mu mupira w’u Rwanda nka Muvara Valens, Ashlaf Kadubiri, Eric Nshimiyimana kugeza kuri ba Mugiraneza Jean Bapstiste, ni ikipe imaze imyaka 55 ikina mu kiciro cya mbere. Mu mateka yayo ntiyigeze ikina mu kiciro cya kabiri.
Kiyovu imanutse iri gutozwa by’agateganyo n’umutoza wahoze anayikinira mu myaka ishize Djabir Mutarambirwa wari wizeye ko hari icyo yahindura imbere ya Rayon ariko biranga.
Kiyovu ntabwo imanutse yonyine ahubwo imanukanye n’ikipe ya Pepiniere nubwo yatsinze umukino wayo yakinaga uyu munsi na Gicumbi FC ibitego bitatu kuri kimwe.
Kiyovu yasabwaga gutsinda ngo igire amanota 30 (kuko ifite 27) bityo ikaba yaca kuri Gicumbi FC ifite amanota 28. Ibi ariko ntibyayishobokeye.
Ku munota wa 32 nibwo Rayon sports yabonye igitego cya mbere cyatsinzwe na Tidiane Kone ku mupira ahawe na Nova Bayama.
Nyuma y’iminota 25 igice cya kabiri gitangiye abasore ba Masudi babona igitego cya kabiri ku ikosa ryakorewe Muhire Kevin haboneka free kick hafi y’urubuga rw’amahina, yinjizwa neza na Kwizera Pierrot.
Imikino y’umunsi wa 30 irangiye kuri uyu mugoroba:
APR FC 1 – 2 Bugesera FC
SC Kiyovu 0 – 2 Rayon Sports FC
Gicumbi FC 1 – 3 Pepiniere Fc
Police FC 4 – 2 Marines FC
Mukura VS 0 – 1 Kirehe FC
Musanze FC 1 – 0 Sunrise FC
Espoir FC 0 – 1 AS Kigali
Uko amakipe arangije shampionat n’amanota afite
1 Rayon 30 73
2 Police FC 30 61
3 APR FC 30 57
4 AS Kigali 30 53
5 Bugesera 30 50
6 Musanze 30 45
7 Espoir 30 39
8 Etincelles 30 37
9 Sunrise 30 33
10 Amagaju 30 33
11 Kirehe 30 32
12 Mukura 30 32
13 Marines 29 30
14 Gicumbi 30 28
15 Kiyovu 30 27
16 Pepiniere 30 17
Photos/R.Ngabo/Umuseke
Roben NGABO
UM– USEKE.RW
English
15 Comments
Ohhhhhh Urucaca!! ubu koko ugiye kujya ukina na za Etoile, Rugende, Gitikinyoni, Akagera FC na Miroplast!!!???
Agahinda karanyishe!
ko utavuga ko igiye kuzajya ikina kuri ryazuba rya saa saba c
Nimwihangane cyane bibaho nonese ko twabereretse rukirangaraho urucaca ahubwo ngewe ndishimye cyane kuko nzaja ndurora rwazamutse mumajaruguru gukina na SORWATHE
Niyigendere ibyayinaniye kare ntiyari kubishobora kumunota wanyuma imbere ya GIKUNDIRO ni amateka ariyanditse ni agahigo GIKUNDIRO iragahize 2_1 ahasigaye dutegure icyamahoro na recrutement nziza turabitegereje
Bibaho mwihangane nonese ko twaberetse bakinanirwa ntakundi nyine ariko Ngewe ndishimye cyane kuko yarishongoye cyane kandi ikindi zajya nyireba yazamutse mumajyaruguru gukina na SORWATHE
Ni byiza ko imanutse, ubwo tugiye kureba ko ifite abafana. Nibs bahari ubwo bazibuka gukora ibyo batakoraga bayihe imisanzu yongere ikomere. Naho ubundi barasebye pe. Ndavugw
Ni agahinda, uwiyishe ntaririrwa. Ubwo kweri mwabonaga KANAMUGIRE Aloys, uri muri Pensiyo yabageza he? Ikibabaje ni uko kuva mu cyiciro cya 2 bizabagora nimudakemura amacakubiri mufite. Inama nabagira ni uko muyiha abantu batarenze 20, abandi mu kigirayo, bakishakamo komite igomba kubaka KIYOVU NSHYA. INTWARI UYIBONA AHO RUKOMEYE. Mwihangane, umwaka umwe si mwinshi; murebe uko abo bana mwagira abo mu gumana, mwongeremo abandi, hanyuma mwerekane ko imanutse ari ibibagwiririye. Ntagucika intege rero, ahubwo mushyiremo umurego, n’imbaraga.Naho ubundi nimukomeza amacakubiri, ni icyiciro cya 2 muzakibura.
tuzagaruka na juventus yaragarutse
ohhhhhh Kiyovu irambabajeeeeeeeeeeeeeeeeeeeee
Kiyovu we
Kiyovu igendere
Ahubwo kuri calendrier y’umwaka utaha, mudusabire Ferwafa kuri match d’ouverutre bazayihuze na United stars f.c yo mu kabagali ubundi murebe ngo irakubitirwa mu igunira. Naho ibyo kuba igiye mu cyiciro cya 2 byo niyo yabyiteye. nibayisubize abagabo bigeze kuyiyobora barimo uwitwa Mudhi azongera ayizamuro. R.I.P Urucaca
Ahubwo kuri calendrier y’umwaka utaha, mudusabire Ferwafa kuri match d’ouverutre bazayihuze na United stars f.c yo mu kabagali ubundi murebe ngo irakubitirwa mu igunira. Naho ibyo kuba igiye mu cyiciro cya 2 byo niyo yabyiteye. nibayisubize abagabo bigeze kuyiyobora barimo uwitwa Mudhi azongera ayizamuro. R.I.P Urucaca
Ndumva abantu benshi bataramenya icyo bita FAIR PLAY. Si byiza kwishimira ko mugenzi wawe yagize ibyago bikagera niyo ujya mu misa yo gushyingura.
AMAHIRWE NUKO NTA CYICIRO CYA GATATU KIRI MURWANDA UMWAKA UTAHA NIHO YARI KUZISANGA
Kiyovu ntabakunzi yari igifite. Nibihangane naho nicyakabiri sinibaza ko izakimaramo kabiri. Yari imaze kuba umuzigo kubantu bake yari isigaranye
ubwo bunze ubumwe na Gihanya,Rwakadigi,Gitindi fc baraje batekinike equipe bazigire 18 kugirango kiyovu irokoke.naho ubundi matches za kiyovu zizaba ziteye zitya:
KIYOVU – RUGENDE bagakinira i rugende saa saba 13h
MUHANGA – KIYOVU ” I Muhanga ” ” ”
KIYOVU – GITIKINYONI ” ” GITIKINYONI ” ”
SORWATHE – KIYOVU ” ” Kinihira ” ”
ASSOUSSA – KIYOVU ” ” Tapis Rouge ”
GASOGI – KIYOVU ” ” Gasogi ” ”
Comments are closed.