Visi Perezida mu Burundi yikomye U Bubiligi n’Abatavuga rumwe na Leta

Visi Perezida wa mbere mu Burundi, Gaston Sindimwo ku wa gatandatu ubwo yari mu nama y’ishyaka rya Uprona (abareye umuyoboke), ni bwo yatangaje amagambo akomeye ku Bubiligi no ku batavuga rumwe na Leta ya Pierre Nkurunziza.

Mu ijambo yabwiye Abadasigana ( abayoboke ba Uprona), yavuze amagambo akomeye ku Bubiligi.

Ati “Abakoloni b’Ababiligi bazanye amoko Hutu –Tutsi, bagendeye uko amakimbirane yari ameze iwabo hagati y’aba Wallons n’aba Flamants.”

Visi Perezida Sindimwo yananenzecyane abatavuga rumwe n’ubutegetsi bwa Perezida Pierre Nkurunziza yise ko ari bake cyane “minorités” bagiye kwigaragambya imbere y’Urukiko Mpuzamahanga Mpanabyaha rukorera i La Haye mu Buholandi.

Ati “Abo bantu nta n’ubwo batinyuka kugaragaza amasura yabo. Biteye isoni kuba bakivuga ibya manda ya gatatu mu gihe icyo kibazo cyamaze gukemuka burundu.”

Gaston Sindimwo avuga ko hakenewe gusura Abarundi bavuye mu byabo kugira ngo bakumire inyigisho bakomeza guhabwa z’abanyepolitiki batavuga rumwe na Leta.

Abategetsi mu Burundi bavuga ko bazi neza ko abatavuga rumw ena Leta bayobya abaturage bavuye mu byabo, ndetse bakagerageza kubajyana mu mitwe yitwaye indwaro irwanya ubutegetsi.

Mu nama yahuje Minitiri w’Umutekano w’Imbere mu gihugu, n’amashyaka yemewe mu Burundi, tariki ya 11 Ukwakira 2016 i Gitega, bemeje ko Itegeko Nshinga rivugururwa rigaha amahirwe Perezida Pierre Nkurunziza yo kwiyamamaza ubuziraherezo.

SOS Media Burundi

UM– USEKE.RW