Songa Isaie na Nshuti bafashije Police FC gutsinda Musanze 2-1

Mu mukino w’umunsi wa 12 wa Shampiyona wakinirwaga kuri Stade ya Kigali i Nyamirambo, Police FC ibashije gutsinda Musanze FC ibitego 2-1.

Igitego cya Songa Isaie ku munota wa 23′ n’icya Nshuti Idresbald ku munota wa 32′ byafashije Police FC y’umutoza Cassa Mbungo Andre kubona amanota atatu. Renzaho Hussein niwe watsinze igitego rukumbi cya Musanze FC.

Rutahizamu Songa Isaie wa Police FC yujuje ibitego birindwi (7), akaza inyuma ya Hakizimana Muhadjili wa Mukura VS uyoboye ba rutahizamu n’ibitego icyenda (9).

Nubwo Police FC yatsinze, iyi kipe iraguma ku mwanya wa gatanu yari iriho n’amanota 24.

Kuri uyu wa gatandatu, Rayon Sports irakira Espoir FC kuri Stade ya Kigali saa cyenda n’igice (15:30′).

Roben Ngabo
UM– USEKE.RW