Nord-Kivu: Imiryango 6 500 yahunze imirwano hagati ya FDLR n’AbaMaï-Maï
Abarwanyi ba FDLR (photo:internet)
Kuva ku cyumweru tariki 22 Ugushyingo, imiryango 6 500 mu gace ka Ikobo, i Walikale mu Ntara ya Kivu ya Ruguru, muri DR Congo bahunze ibyabo kubera imirwano ikomeye ihanganishije umutwe wa FDLR n’Aba Maï-Maï.
Iyi miryango yahungiye mu bice byo hafi y’aho batuye muri Miriki, Luofu, Kimaka, Kirumba na Kanyabayonga, muri Lubero.
Abari hafi y’aba baturage bahunga baravuga ko bakeneye ubufasha; Dore ko ngo muri bo harimo n’abana bagera kuri 38 baburanye n’ababyeyi babo.
Kuva ku cyumweru agace ka Ikobo kigaruriwe n’Aba Maï-Maï bagizwe ahanini n’urubyiruko n’indi mitwe biyemeje kurwanya FDLR. Gusa, kuva kucyumweru ngo FDLR ikomeje kugerageza kwisubiza kariya gace.
Src: RadioOkapi
UM– USEKE.RW
English
1 Comment
Ibi bintu biteye impungenge. Ni gute abantu bitwa ngo ni impunzi bashinga umutwe bagafata intwaro bakarwana na ba kavukire b’aho bahungiye ingabo z’icyo gihugu zihari ntizijye gutabara ngo zirenger abo baturage babo bari mu kaga.
Leta yo muri Congo n’ingabo zayo bakwiye kwibazwaho byinshi. Ese koko ubwo bayoboye igihugu cyangwa barikinira. Abazi ururimi rw’icyongereza, baravuga ngo “that is a failed state”.
Comments are closed.