Umutekano n’umudendezo ni uburenganzira bw’Abanyarwanda – Kagame

Ange Eric Hatangimana
05/11/2015

Perezida Paul kagame ageza ijambo ku bapolisi barangije n’abashyitsi bari bitabiriye uyu muhango

11/5/2015: Mu ijambo Perezida Paul Kagame yavugiye mu muhango wo kwambika ipeti abapolisi 462 barangije amasomo ya Cadets, mu kigo cya Gishari mu karere ka Rwamagana yavuze ko Abanyarwanda bagomba gufata umutekano n’umudendezo nk’uburenganzira bwabo. Yavuze ko iterambere ari ryo ribereye Abanyarwanda.

Perezida Kagame yabanje kwambika amapeti abapolisi barangije ndetse anashyikiriza ibihembo abanyeshuri batatu bitwaye neza muri bo harimo Nsengiyumva Jean de Dieu (uzwi nka Inzaghi) ni we wahembwe nk’uwahize abandi mu mwigire mu cyiciro cy’uyu mwaka cyose.

Perezida Paul Kagame mu ijambo rye, yagarutse ku kamaro Polisi y’igihugu igira mu kubungabunga umutekano, avuga ko urwo ruhare rwabo rufasha cyane mu kugera ku iterambere hirya no hino mu gihugu no kunoza ibyagezweho.

Yashimye akazi ka Polisi y’igihugu mu kubungabunga amahoro hirya no hino ku isi ndetse ashimira ibihugu bikorana n’u Rwanda.

Perezida Kagame yabwiye abapolisi bashyizwe mu rwego rwa offisiye (Officers) ko akazi batorejwe ubu aribwo gatangiye.

Yagize ati “Mwatojwe kurinda ndetse no guha Abanyarwanda umutekano. Ubu igihe kirageze ngo mubishyire mu bikorwa.”

Perezida Kagame kandi yagarutse ku buryo Abanyarwanda bagomba kumva umutekano, akaba yavuze ko umutekano n’umudendezo ari uburenganzira bwabo.

Yagize ati “Abanyarwanda bagomba gufata umutekano n’umudendezo nk’uburenganzira bwabo. Mwarabitorejwe igihe kirageze ngo mubikore.”

Paul Kagame yongeyeho ko ubushobozi bwa Polisi, haba mu bikoresho ndetse n’ubumenyi bugomba kubanzirizwa n’ikinyabupfura.

Ati “Ibikoresho, ubushobozi, imyitozo ndetse n’ibindi byose Polisi ihabwa bigomba guherekezwa n’ikinyabupfura. Ikinyabupfura ni wo musingi w’ibyo muzakora byose. Ubushobozi mwahawe nta cyo bwabamarira mutagira ikinyabupfura.”

Perezida Kagame yongeye gushimira ibihugu bifasha u Rwanda mu kubaka Polisi, asaba ko hakwiye kuba ubufatanye mu kugeza ku gihugu n’abaturage ku iterambere rirambye, kuko ngo politiki nziza ni yo ibereye Abanyarwanda.

Yagize ati “Mureke dufatanye mu kugeza igihugu cyacu n’abaturage bacu ku iterambere rirambye kuko ari ryo ribabereye.”

Aba bapolisi barangije uyu munsi bari bamaze igihe kirenga umwaka bahabwa amahugurwa ya ‘Cadets’, bakaba bazajya gukora akazi mu mitwe itandukanye ya Polisi y’Igihugu.

Muri rusange abamaze kurangiza muri iri shuri rya Polisi ry’i Gishari nk’uko byatangajwe n’Umuvugizi wa Polisi y’u Rwanda, CSP Twahirwa Celestin basaga 10, 800 ariko icyo kigo gitanga n’andi mahugurwa mu bumenyi butandukanye ku ba polisi b’u Rwanda n’abo mu karere.

Nyuma y’aba barangije uyu munsi, abandi 440 barimo abanyamahanga, babiri bakomoka muri Namibia, babiri bakomoka muri Uganda n’abandi 10 bakomoka muri Sudani y’Epfo batangiye amasomo ya ‘Cadets’ azasozwa mu mwaka utaha.

Abayobozi bakuru b'ingabo barangajwe imbere na Gen Nyamvumba Patrick Umugaba Mukuru w'ingabo z'u Rwanda bari bahageze — Abayobozi bakuru b’ingabo barangajwe imbere na Gen Nyamvumba Patrick Umugaba Mukuru w’ingabo z’u Rwanda bari bahageze

Minisitiri w'Ubutabera, Johnston Busigye n'uw'Uburezi Prof Silas Lwakabamba bahageze — Minisitiri w’Ubutabera, Johnston Busigye n’uw’Uburezi Prof Silas Lwakabamba bahageze

Imodoka zari zitwaye ibendera r'igihugu n'irya Polisi y'igihugu — Imodoka zari zitwaye ibendera r’igihugu n’irya Polisi y’igihugu

Perezida Paul Kagame ageze i Gishari ari kumwe n'abayobozi bakuru ba Polisi y'igihugu — Perezida Paul Kagame ageze i Gishari ari hamwe n’abayobozi bakuru ba Polisi y’igihugu

Perezida Paul Kagame ahageze ari kumwe na Minisitiri w'Umutekano Mussa Fazil Harerimana — Perezida Paul Kagame yari kumwekandi na Minisitiri w’Umutekano Mussa Fazil Harerimana

Aha Perezida wa Repubulika yari ahageze baririmba indirimbo yubahiriza igihugu — Perezida wa Repubulika ayoboye umwanya wo kuririmba indirimbo yubahiriza igihugu

Mu bashyitsi bakuru n'ukuriye Ubushinjacyaha Richard Muhumuza yari ahari — Mu bashyitsi harimo n’ukuriye Ubushinjacyaha Richard Muhumuza (ibumoso)

Ababyeyi, inshuti n'abavandimwe bari baje gushyigikira abana babo — Ababyeyi, inshuti n’abavandimwe bari baje gushyigikira ababo

Gen Nyamvumba Patrick na Maj.Gen Rwarakabije ukuriye urwego rw'amagereza — Umugaba w’ingabo Gen Nyamvumba Patrick n’umuyobozi w’urwego rw’amagereza Gen Rwarakabije

Ubanza ibumuso, ni Ingabire Marie Immaculee umuyobozi wa Transparency International Rwanda na we yari ahari — Ubanza ibumuso, ni Ingabire Marie Immaculee umuyobozi wa Transparency International Rwanda

ACP Theos Badege ni we wari uyuboye gahunda

Ibendera ry'igihugu n'irya Polisi y'igihugu — Ibendera ry’igihugu n’irya Polisi y’igihugu

Ku murongo w'imbere, iburyo, Nsengiyumva Jean de Dieu wahize abandi bose yari yiteguye akarasisi — Ku murongo w’imbere, iburyo, Nsengiyumva Jean de Dieu wahize abandi bose yari yiteguye akarasisi

Aha bakuyemo ingofero berekana uko bari bameze mu mwaka wose ushize — Aha basubiragamo bati “Niharambe Perezida wa Republika, Niharambe Abanyarwanda, Niharambe Polisi y’u Rwanda

Abarangije uko ari 462 bari bamaze kwambikwa ipeti rya officiye — Abarangije uko ari 462 bari bamaze kwambikwa ipeti rya Assistant Inspector of Police

Mu bapolisi bambitswe ipeti rya offisiye harimo n'abakobwa — Mu barangije iyi ‘Cadet course’ harimo abagore n’abakobwa barenga 50

Compagnie musicale — Aba ni abagize Police Band baba bayoboye akarasisi mu njyana

Compagnie musicale yabukereye — Police Band yakoze akarasisi keza cyane

Akarasisi gakorwa buri wese afite inkota mu ntoki

Abapolisi bari baberewe bakora akarasisi — Aba ni abapolisi bakoresha imyitozo abitegura kuba ba officier

Mu karasisi bambaye nk'abapolisi koko nyabo — Mu karasisi bakoreye imbere y’abashyitsi

Aba barangije basabwe gutangira akazi bahuguriwe ko kurinda Abanyarwanda

Abapolisi b'abakobwa mu karasisi — Abapolisi b’abakobwa bagaragaje ko bashoboye amasomo bahawe

Abarangije amasomo ya Cadets bari mu karasisi biyereka ababyeyi n'abayobozi — Mu kwiyereka abayobozi n’intambuko y’imbaraga mu buryo bunogeye ijisho cyane

Nsengiyumva Jean de Dieu yahize abandi yakoze ku UM-- USEKE nk'umunyamakuru w'imikino — Nsengiyumva Jean de Dieu wahize abandi bari kumwe kuri iyi ‘Course’

Bazana ibihembo by'abanyeshuri batatu bitwaye neza kurusha abandi — Bazana ibihembo by’abanyeshuri batatu bitwaye neza kurusha abandi

Perezida wa Repubulika yari agiye guhemba umunyeshuri wahize abandi — Perezida wa Repubulika amaze guhemba umunyeshuri wahize abandi

Nsengiyumva Jean de Dieu umunyeshuri wahize abandi avuye gufata igihembo cye

Ifoto y'urwibutso na Perezida wa Repubulika Paul Kagame — Ifoto rusange na Perezida Paul Kagame n’abayobozi ba Police na Minisitiri w’Umutekano

Amafoto/Daddy Sadiki RUBANGURA/UM– USEKE

Daddy Sadiki RUBANGURA
UM– USEKE.RW

4 Comments

KATCHATOLA says:
05/11/2015 at 14:19

Imana ishimwe ubwo bene data batashye bari bamazeyo igihe kinini…
kandi imana izabafashe bakorere igihugu bagikunze nka nyakubahwa wabafashije gutaha…karibu sana turabategereje mu miryango

Blaise says:
05/11/2015 at 15:08

Congz kuri Inzaghi, ndamwibuka hano k’Umuseke.com amakuru mez ayajyaga aduha.

Mubaraka says:
05/11/2015 at 18:57

Yitwaga nde ku umuseke ???

shema says:
05/11/2015 at 19:56

umuhango wo gusoza amahugurwa ya polisi ndabona wagenze neza cyane kandi aba bapolisi bashyashya bagiye gutangira umwaga wabo bazawukore neza cyane nk’ abanyamwuga

Comments are closed.

Share this:

4 Comments