Zari yagaragaje agahinda atewe n’urupfu rw’umugabo babyaranye
Ivan Don Ssemwanga wahoze ari umugabo wa Zari yitabye Imana
Abinyujije ku rukuta rwe rwa Instagram, Zari ubu ubana n’umuhanzi Diamond Platnumz nk’umugore n’umugabo, yagaragaje intimba atewe n’urupfu rwa Ivan Don Ssemwanga wahoze ari umugabo we witabye Imana mu bitaro bya Biko Hospital byo muri Afurika y’Epfo.
Zari wagarutse ku mateka y’uyu mugabo wari umuherwe bafitanye abana batatu b’abahungu, yavuze ko ababajwe no kuba avuye mu mubiri.
Ati “ Imana ikunda abantu badasanzwe kandi na we ni ko wari uri, ndakeka ari na yo mpamvu ari wowe yifuje. Wafashije abantu amagana, wakoze ibyiza byinshi kandi ndibuka ukuntu wajyaga ukunda kumbwira ngo ‘ubuzima ni bugufi reka mbubeho uko bwakabaye’…”
Akomeza agira ati “ Iki ni igihe cy’icuraburindi, bitumye nibuka impamvu wahoraga umbwira ariya magambo. Ku bahungu bawe wari intwari ihebuje. Buri wese mwabashije kubana igihe wari ukiriho azi ineza yawe. Uzakumburwa kandi uzahora uzirikanwa mu buryo butandukanye. Wari Ivan uhebuje. Uruhukire mu mahoro DON.”
Ivan amaze ibyumweru bibiri mu bitaro bya Biko Hospital byo muri Afurika y’Epfo yakunze kubikwa kenshi kubera uburyo yari arembye.
UM– USEKE.RW
English
6 Comments
Birababaje. Ariko na none aya magambo abantu babwira abandi ari uko bamaze kugera ahacecekerwa njye sinyakunda rwose. Niba hari icyo unshima kinshime ubu nkibasha kumva maze numve binteye imbaraga. Niba unashaka kugira icyo umpa kimpe ubu ntuzigore ugura indabo za 10000fr ntari bunazibone basi ngo ngushimire. Ahubwo zimpe ubu. SAriko kuki abantu dushaka kuvuga neza, kugirira neza abantu bapfuye bitagifite icyo bibamariye??? Iyi nayo ubanza ari kamere mbi kabisa
@Jojo u ‘re great Girl or Mum!!! ndagukunze sana ibi mpora mbyibaza pe iteka basiima ogenze why? umuco mubi ukwiye gucika rwose but njye mfite igitekerezo kur’ibi kdi har’icyo nzakora nkagerageza guhindura ibitekerezo kur’ibi.
i agree with you
me too! coz uramutse ubwiye umuntu amagambo nk’aya akiriho akabyumva yamenya neza icyo asobanuye kuri siciete kuruta kubibwira utabyumva
Yes, ngo uwapfuye ntawe utamuvuga neza aya magambo yakabaye yarayatekereje igihe bari bamaze gutandukana yagombye kuba ubwiza bwe avuga uyu munsi bwaramukuruye na nyuma yo gutandukana nawe akongera akanabana nawe pour l’interet y’abana, ahubwo bishoboka ko Zarinah ari umugore udashobotse mu mico kuko byonyine kuba ufitanye n’umugabo abana bangana kuriya utagatekereje undi mugabo igihe ubona ko n’uwo mubyaranye mushwanye ahubwo uriya mugore azagira trauma njye sinkunda biriya abantu bihangishijeho byo gutaka umuntu kandi hari n’ababivuga mu mitima banejejwe n’uko apfuye. Hari ubwo twagiye gushyingura umuntu undi ararira ye cyane misa yose yarangiye arira bukeye ndamubaza nti ese ko warize cyane buriya ntiwarwaye umutwe ? aransubiza ngi yewe ni uko uwapfuye ntawe utamuririra ngo ariko napfe apfuye ngo kuko namwangaga nti ese yakugize ate ngo yari amaze gutera innyo hejuru ngo ni umukire numva ahubwo nanjye anteye ubwoba ntangira kumugendera kure niyo mpamvu bamwe bavuga amagambo nk’ariya mu mutima basekeramo. Abantu rero dukwiye kuba abantu mbere yo kuvuga tugasesengura bikomeye
You are right Jojo nanjye ibintu byo gutaka umuntu atakiriho mbyanga urunuka. Naho Zari mwimucira urubanza ngo kuba baratandukanye agashakana na Diamond ntiyakundaga Yvan, ibyo ntaho bihuriye kuko icyo nemera aho kwicwa n’irari cg ukamara ingo zabandi uzisenya washaka undi bikagira inzira. Kandi nkumuntu babyaranye gatatu buriya ibihe byiza bagiranye ashobora kuba aribyo bimuteye kuvuga kumutaka ntawamenya wasanga akiriho nabwo amagambo meza nkariya yarajyaga ayamubwira.
Comments are closed.