Younga ati “Ikibi ni uko yantuka naho kundirimba ntacyo bintwaye”

Tom Younga wamenyekanye cyane mu gusobanura ama filme mu Kinyarwanda, ubu akaba ari n’umwe mu bakinnyi ba cinema mu Rwanda, avuga ko ntacyo bimutwaye kuba AmaG the Black amuririmba mu ndirimbo ze niba yarasanze yamugira ibuye ryo kuririraho akazamura muzika ye. ikibi ngo ni  uko yamutuka.

Ni nyuma y’uko Amag The Black yashyize hanze indirimbo nshya yise ‘Nyabarongo’ hakaba hari agace aririmbamo ko atazava i Kigali ngo asubire mu cyaro nkuko Younga atazasubira iwabo i Nyakariro.

Younga yabwiye Umuseke ko kuba Amag The Black akunze kumuririmba ntacyo bitwaye, ko icyagateye ikibazo ari uko yamutaka wenda, naho kumuririmba byo atabimubuza

Yagize ati “Hhahahhaa Amag The Black mumureke ajye amvuga uko ashaka mu ndirimbo ze, kuko aracyari umwana akeneye kuba yamenyekana cyane. Apfa kuba atamvuga nabi.

Icyo mbona nuko yasanze buriya arinjye buye ashobora kuzuriraho akaba yagera kure ashaka muri muzika”.

Abajijwe niba kuba Amag The Black amuririmba we atabyungukiramo, yagize ati “Ntacyo mbyungukiramo kuko burya kubaka izina ntabwo byoroshye, rero inryanjye mfite uburyo naryubatse nawe buriya asanga arinjye akwiye kuba yazamukiraho”.

Umva iyo ndirimbo Amag The Black yakoze afatanyije na Safi wo muri Urban Boys.

[youtube url=”http://www.youtube.com/watch?v=ZYPtNkb76B8″ width=”560″ height=”315″]

Joel Rutaganda

ububiko.umusekehost.com