Young Grace yashyize hanze CD ya Album ye yise ‘Bingo’

Abayizera Grace uzwi cyane nka Young Grace umukobwa ukora injyana ya HipHop yashyize hanze CD ya album ye yitiriye indirimbo aherutse gushyira hanze yise ‘Bingo’.

Ubundi bimenyerewe ko umuhanzi ashyira hanze album ye yakoresheje igitaramo cyo kuyimurika, Young Grace avuga ko yahisemo kuyibaha vuba kuko bayimusabaga.

Young Grace yabwiye Umuseke ko yahisemo guhita ashyira iyo Album ye ku isoko kuko ngo abakunzi be bayimusabye vuba cyane kandi akaba aribo akorera kuko ngo aribo bamugejeje aho ari ubu.

Iyi album ya Young Grace yise ‘Bingo’ iriho indirimbo zigera kuri zirindwi (7), ni album ye ya kabiri, iya mbere yari yayise ‘HipHop Game’,

Young Grace avuga ariko ko ateganya igitaramo cyo kumurika Album ye “Bingo” tariki ya 8 Werurwe 2014 mu karere ka Rubavu..

Kwinjira muri iki gitaramo cye ngo bizaba ari ukugura CD ya Audio na Video ku mafaranga 10.000frw. Bamwe mu bahanzi bazaza kumufasha akazabatangaza mu minsi iri imbere nk’uko abivuga.

Young Grace ni umwe mu bahanzikazi bitabiriye irushanwa rya Primus Guma Guma Super Star ya kabiri.

Reba amashusho y’indirimbo ‘Bingo’ 

Joel Rutaganda
ububiko.umusekehost.com