We Are One Summer Beach Party Festival igiye kubera ku Gisenyi

We Are One Summer Beach Party Festival ni kimwe mu bitaramo bikomeye bitaganyijwe kuba mu mwaka wa 2015 gihuza abantu baturutse mu bihugu bitandukanye byo muri Afurika ndetse no ku isi.

Ku nshuro ya gatatu biteganyijwe ko icyo gitaramo kizabera ku Gisenyi ku Kivu Serena Hotel Beach. Ni nyuma y’aho iki gitaramo cyatangiye kuba mu mwaka wa 2013.

Yve Ishema umwe mu bagize itsinda ririmo gutegura icyo gitaramo, yatangarije Umuseke ko imyiteguro yo kuzakira abantu bose bazaza imaze kugera ku musozo.

Yagize ati “Imwe mu mapmvu twatekereje gutegura iki gitaramo, ni uko akenshi usanga mu mwekzi kwa rindwi hari abantu benshi baba baraje mu Rwanda mu biruhuko.

Bityo akaba ari n’umwanya mwiza kuri bow o gutembera igihugu kugirango barusheho kumenya ubwiza gifite.

Indi mpamvu ni uko muri icyo gitaramo hazaza abandi bantu bo mu bihugu duturanye bazaba baje kwishimishiriza mu Rwanda. Muri ibyo bihugu wavuga Uganda, Burundi, Tanzania na Kenya”.

Ku wa 18 Nyakanga 2015 kwinjira muri icyo gitaramo bizaba ari amafaranga y’u Rwanda 10.000 kuri buri muntu kikazatangira ku i saa tanu z’amanywa (11:00 AM) kugeza bukeye

Bamwe mu ba Djs bakomeye mu Karere bazaba baje gususurutsa abantu bazitabira icyo gitaramo.

*Don K 1st (Kinshasa DR_Congo)
*Deejay Nruff (Kenya)
*Deejay Sheppherd
*Deejay Africano (Rwanda)
*Deejay Sweet (Burundi)
*Selekta Copain (Rwanda)
*Deejay Pyfo (Rwanda)
*Mc Phil Peter (Rwanda)

Joel Rutaganda

UM– USEKE.RW