Wa mukinnyi warokotse impanuka y’indege asoma Bibiliya yavuye muri Coma

Helio Neto warokotse impanuka y’indege yahitanye abantu 71 mu byumweru bibiri bishize muri Colombia yavuye muri Coma, ariko nta kintu na kimwe yibuka mu byabaye byose.

Uyu mukinnyi w’ikipe ya Chapecoense yari igiye mu mukino wa nyuma w’amakipe yabaye aya mbere iwayo, yarokokanye n’abandi bantu batandatu mu buryo butangaje.

Byatangajwe ko Helio Nato yariho asoma Zaburi ya 63 ubwo iyi ndege yagwaga.

Mu mpera z’icyumweru gishize nibwo Helio Nato yavuye muri Coma nyuma y’icyumweru ubuzima bwe buri ‘hagati y’urupfu n’umupfumu’.

Ubu ngo arahumeka adafashijwe n’ibyuma ndetse arabasha kuvuga, ariko uyu myugariro w’imyaka 31 ntabwo azi ibyamubayeho na bagenzi be benshi bakinanaga batikiriye mu ndege.

Ikinyamakuru Catalan Sport kivuga ko akiva muri Coma yahise abaza uko umukino ikipe ye yari igiye gukina warangiye. Nyamara bari bagiye gukina na Atletico Nacional yo muri Colombia ariko ntibageze ku kibuga.

Umuganga w’inzobere mu mitekerereze ngo yahisemo ko badahita bamubwira iby’impanuka kugira ngo adahita agira igikomere mu ntekerezo bikabangamira gukira kwe.

Abantu 71 batakaje ubuzima mu mpanuka y’indege yari arimo, muri bo 19 bari abakinnyi bagenzi be.

Neto yarokokanye n’abandi bakinnyi babiri gusa; Alan Ruschel na Jackson Follman, umukobwa ukora akazi ko mu ndege (hostess) Ximena Suarez, umutekinisiye w’indege witwa Erwin Tumiri n’umunyamakuru Rafael Hensel.

UM– USEKE.RW