Volley ball: u Rwanda ruratangirira kuri Algerie muri All Africa Games

Ikipe y’u Rwanda ya Volleyball izatangira  gukina imikino ya  “All Africa Games 2015”  ihura na Algeria kuri uyu wa kane taliki 03 Nzeri 2015.

Iyi kipe y’u Rwanda iri mu za mbere zerekeje muri Congo Brazzaville, ikaba izahatana n’izindi mu itsinda B hamwe na Cameroun, Algeria, Ghana, Seychelles na Cap Vert.

Nyuma yo gukina na Algeria, u Rwanda ruzakina na Ghana ku italiki ya 06 Nzeri 2015 hakurikireho Seychelles. Aya makipe yombi mu mikino iheruka ikipe y’u Rwanda yayatsinze Seychelles amaseti 3-0.

Umukino wa kane mu itsinda B u Rwanda ruzahura na Cameroun taliki 10 Nzeri 2015,  ruzasoreza ku mukino wa Cap Vert  bizaba bihuye bwa mbere.

Ikipe y’u Rwanda yamaze kugera i Brazzaville aho bahahuriye n’abakinnyi ba Ghana ya ruhago yo yari ije mu Rwanda, niko kwifotozanya.

Taliki 03-09-2015

Rwanda-Algeria (15h00)

Taliki 06-09-2015

Rwanda-Ghana (17h00)

Taliki 08-09-2015

Rwanda-Seychelles (21h00)

Taliki 10-09-2015

Rwanda-Cameroun (13h00)

Taliki 12-09-2015

Rwanda -Cap Vert (13h00)

UM– USEKE.RW