Volley Bal: U Rwanda rwatsinze Botswana imikino yose

Kigali – Kuri uyu wa mbere nimugoroba ikipe y’igihugu ya Volley Ball yaraye itsinze umukino wa kabiri wa gicuti ikipe y’igihugu ya Botswana amaseti atatu kuri imwe. Ni umukino wari mu rwego rwo kwitegura amarushanwa ny’Afurika agomba kubera muri Kameruni muri uku kwezi kwa Gashyantare.

Ikipe y’u Rwanda yari yagiriye urugendo muri Botswana aho yakinnye imikino ibiri ya gicuti nayo ikabasha kwitwara neza aho yayitsinze yose (3-0, 3-1).

Ikipe y’u Rwanda mu mukino wayihuje na Botswana yatangiye ubona idafite gahunda kuko Botswana yagaragaje imbaraga bikomeye abakinnyi b’u Rwanda ntibabashe kugarur ibiro byaterwaga byatumye Botswana igera ku manota  20-18 y’u Rwanda.

Mu manota ya nyuma y’iyi seti ibiro bikomeye bya Yakan Lawrence na Olivier Ntagengwa byatumye Amavubi azamuka cyane atsinda Botswana bigoranye ku manota 29-27.

Ikipe ya Botswana yisbubiyeho  ihita yishyura u Rwanda iseti ku manota 25-22, gusa ibi ntibyabujije abasore b’umutoza w’u Rwanda Paul Bitok gutsinda iseti ya gatatu nabwo bibagoye ku manota 26-24.

Iseti ya kane u Rwandarwayitangiranye imbaragabarusha cyane Botswana ikinyuranyo cy’amanota atanu kuva iseti itangiye kugera irangiye aha batsinze amanota 25-20.

Ku mukino wa mbere wahuje ikipe ya Boswana n’Amavubi nabwo u Rwanda rwitwaye neza rutsinda amaseti atatu ku busa(25-11 25-19 25-19).

Ikipe y’igihugu irateganya indi mikino ya gicuti hagati ya APR VC ndetse na Rayon Sports VC, nyuma bakerekeza muri Cameroun aho bazatangira amarushanwa taliki ya 12 Gashyantare.

U Rwanda ruri mu itsinda rimwe na Algeria,  Nigeria , Camroun ndetse na Gabon, ikipe y’igihugu ya Botswana nayo izitabira aya marushanwa.

JD Nsengiyumva & Nkotanyi Damas
ububiko.umusekehost.com