Urutonde rw'amakipe muri Shampiyona ya Basket

Kuri  iki Cyumweru, Shampiyona ya Basketball mu Rwanda iratangizwa mu duce dutandukanye tw’u Rwanda. Ubuyobozi bw’Ishyirahamwe nyarwanda ry’umukino w’intoki wa Basketball FERWABA bwamaze gushyira hanze urutonde rw’uko amakipe  azahura.

Hateganyijwe ko iyi mikino igomba gutangira kuri iki Cyumweru tariki ya 23 Gashyantare 2014 .

Dore uko amakipe agomba guhura :

1.Gisenyi Vs APR saa 11:00 zihurire I Rubavu,

2.UGB vs Kigali BC saa 11:00 zihurire Camp Kigali,

3.Espoir BBC Vs 30 Plus BBC saa 13:00 Camp kigali,

Abanyamakuru babajije ubuyobozi bwa Basketball ku kibazo cy’amikoro yaranze amakipe muri za Shampiyona z’ubushize bigatuma  amakipe abura  ubushobozi bwo kwitabira iyi mikino bigakurizamo amakipe amwe  guterwa mpaga.

Aha ubuyobozi bwasubije ko nta muterankunga n’umwe bafite ariko ko  ibyo atari  ikibazo kuko nta kipe nimwe yaje kwiyandikisha idafite ubushobozi.

Abayobozi bavuga kandi ko iki kibazo kitazongera kugaragara.

NKOTANYI Damas

ububiko.umusekehost.com