Umuhanzikazi Cindy yataramiye abo muri India

Umugandekazi Sanyu Cinderella bita Cindy ku cyumweru tariki 20 Gicurasi yakoze igitaramo mu ntara ya Pondecherry izwiho abanyamahanga benshi kuko kuko igendera ku mategeko y’Ubufaransa.

Umwe mu bateguye igikorwa cyo kuzana Cindy, yabwiye UM– USEKE.COM ko bamuzanye bagamije ahanini guhuza abanyarwanda baba mu gice cy’amajyepfo y’Ubuhinde.

Usibye kandi abanyarwanda, benshi mu bantu baturuka muri « East Africa » biganjemo abanyeshuri ngo biga muri ako gace, bityo kubahuza no kubafasha kuruhuka babitekerejoho bazana uyu mugandekazi ngo abibafashemo.

Nubwo uyu muhanzikazi yaje agataramira abantu, bamwe bari hafi aho bavuga ko yaje bitunguranye kuko batamenye ko yahageze, byaba ngo byaratewe n’uko bitigeze byamamazwa ngo bimenyekane ko azaza bityo bamwitegure, ikindi ariko yaba yaranaje benshi mu banyeshuri basumbirijwe n’ibizamini.

Twegereye abafana bahageze batubwira ko byari ibyishimo bidasazwe kongera kubona umuhanzi bazi kandi biyumvamo uturutse uiwabo cyangwa hafi yaho aririmba, uwahageze wese akaba ngo yararyohwe no kongera kumva umuziki wa Cindy anamureba.

Cindy uzwi cyane mu ndirimbo nka « Ayokyayokya »  na « Kwekunya kunya » yabwiye Umuseke.com ko yatunguwe no kubona abantu muri India bamwishimiye kandi bamugaragariza ko bazi cyane muzika ye.

Uyu mugandekazi akaba yaraje mu ntara ya Pondicherry avuye ahitwa Hyderabad na Bangalore, kuri uyu wa kabiri tariki 22 nibwo ahaguruka ku kibuga cy’indege mpuzamahanga cya Mumbai  yerekeza mu Ubwongereza (UK) aho agiye gukomereza ibitamo nkuko yabidutangarije.

Umwe mu bateguye iki gikorwa, yatangaje ko mu kwezi kwa 8 bateganya kuzana muri India ahiganje abantu baturuka muri East Africa, umuhanzi nyarwanda uzaba akunzwe cyane.

Danny Manishimwe
UM– USEKE.COM/India