Umugore wa Perezida wa Centrafrica yakiriye Charly na Nina
Charly & Nina na Mm Brigitte Touadera
Brigitte Touadera umugore wa Perezida wa Centre Afrique Austin Archange Touadera, yakiriye Charly & Nina bari baherekejwe na Dj Pius, Big Farious na Alexis Muyoboke umujyanama unashinzwe ibikorwa byabo .
Ni nyuma y’igitaramo bari bafite muri icyo gihugu cyabaye kuwa gatandatu tariki ya 11 Gashyantare 2017.
Kubera kwitabirwa n’abaturage benshi bo muri icyo gihugu, abo bahanzi bahise bahabwa ikaze na Mm Brigitte Touadera.
Bimwe mu byo baganiriye nkuko tubikesha Alexis Muyoboke, avuga ko ikiganiro cyibanze cyane ku gaciro umwana w’umukobwa afite mu Rwanda.
Ko ari urugero rukomeye ibindi bihugu byari bikwiye kureberaho aho kumva ko abana barimo ibice bibiri. Hari ukwiye gukora imirimo runaka undi agakora indi.
Mm Brigitte Touadera yasezeranyije abo bahanzi b’abanyarwanda ko igihe cyose bazifuza kongera kuhakorera igitaramo ko bahawe ikaze.
Charly & Nina biteganyijwe ko uyu munsi wa ‘St Valentin’ bagomba gutaramira abakundana mu mujyi wa Bangui muri Centre Afrique.
Nyuma bakazagaruka mu Rwanda bagahita berekeza mu bitaramo bitandukanye bazakorera ku mugabane w’i Burayi mu mpera z’uku kwezi.
https://www.youtube.com/watch?v=8FLnYVcgDL0
Joel Rutaganda
UM– USEKE.RW
English