Uganda: Ibrahim Sekagya yerekeje muri New York Red Bulls

Myugariro wa Uganda Cranes Ibrahim Sekagya yamaze kwerekeza mw’ikipe ya New York Red Bulls aho azajya akinana na rutahizamu w’icyamamare Thierry Henry.

Sekagya yakiniraga Red Bull Salzburg yo muri Autriche gusa yari amaze ibyumweru bibiri akorana imyitozo n’ikipe ya New York Red Bulls yerekejemo.

“Turishimye cyane kugura umukinnyi Ibrahim ni myugariro mwiza kandi tuziko hari ubundi bushobozi azanye mw’ikipe yacu cyane kuri ba myugariro”  ibi bitangajwe na Andy Roxburgh Diregiteri tekiniki w’iyi kipe.

Andy yongeyeho  ati”yari umukinnyi wubashywe kandi ukundwa mw’ikipe ya Red Bull Salzburg, dufite icyizere ko azadukinira neza shampionna itaha.

Ibrahim Sekagya yari kapiteni wa Uganda Cranes ubwo bashakaga itike y’igikombe cy’isi mu mwaka wa 2006 na 2010, yasezeye muri Uganda Cranes mu mwaka wa 2012, ubu afite imyaka 32 yakiniraga Red Bull Salzburg yo muri Autriche aho yanatwaye ibikombe bibiri bya shampionna ayibereye kapiteni.

JD Nsengiyumva Inzaghi
UM– USEKE.RW